लुदस, जितपुर
अर्घाखाँची शितंगा १३ मुसियानका ७६ वर्षिय मोतिराम सोमै मगर वडाको काम पाएक पर्ने ठाँउमा पाउदाँ औधी खुसि देखिन्थे । संघीयता कार्यान्वयनसँगै सिंहदरबारको अधिकार गाउँगाउँमा पुगेसंगै विकट गाउँबस्तीलाई पाएकपर्ने स्थानमा सेवा दिने उदेश्यले अर्घाखाँचीको शितगंगा नगरपालिका वडा नं १३ ले आजबाट कपिलवस्तुको बोर्डगाउँमा सेवा कार्यालय स्थापना गरेको छ । उनिमात्र होईन त्यहाँ सामाजिक सुरक्षा भत्ता नविकरण गर्न पुग्ने अधिकांश बृद्धहरुको मुहारमा छुट्टै रैनक थियो । विगतमा आफु बस्ने ठाउँबाट ६ घण्टा हिडेर वडा कार्यालय पुग्नुपरेको वृतान्त सुनाउदै निम बहादुर भाट ले भने कपिलवस्तुमा आज स्थापना गरेको सेवा केन्द्रले आफुजस्ता धेरै वृद्ध बृद्धाको मन खु.सी भएको बताए । उनले सिमलपानीमा रहेको वडाकार्यालय पुग्न सवारी साधन नहुने र बृद्ध बृद्धा हिड्दै जादाँ सकस हुने गरेको सुनाउदै अहिले गाडी चढेर आधा घण्टामै सेवा कार्यालय आएको सुनाए ।
शितगंगा १३ ले आजबाट सेवा कार्यालय शुरु गरेको हो ।
’वडा ठूलो छ । बस्ती यत्रतत्र छरिएको छ । कपिलवस्तुसंग सिमा जोडिएका भंगला, मुसियान ढाड, भलासिख्र, माझिफाट लगाएतका गाउँलाई कपिलवस्तु पाएक हुन्छ । बसाईसराई विनै ठुलो संख्यामा जनसंख्या बाणगंगामा रहेको हुदाँ पाएक पर्ने गरि बोडगाउँमा सेवा कार्यालय स्थापना गरिएको र हप्तामा १/२ दिन यहाँबाट सेवा दिने वडाध्यक्ष दुर्गा बहादुर वि.सीले बताए ।
यी गाउँबाट वडा कार्यालय सिमलपानी छेडा पुग्न को पुग्न पाँच/६ घण्टा पैदल हिँड्नु पर्छ । त्यहाँ गएर सिफारिस बनाउने र उल्टो फर्कदा दिनभर समय लाग्छ । बोडगाँउबाट सिफारिस लिएर सदरमुकाम पुगेर एकै दिनमा नागरिकता बनाउन सदरमुकाम पुगिन्छ । सेवाग्राहीलाई सजिलोको लागि बोडगाँउमा वडाको सेवा कार्यालय राखिएको वडा सदस्य टान बहादुर वि.सीले बताए । विकास बजेट, लगायत अन्य छलफल पनि यही“ नै हुन्छ ।
धेरै जंगल क्षेत्र, छरिएर रहेको बस्ती पैदल हिँडेर पार गरेर सिमलपानी जानुभन्दा कपिलवस्तु झर्न सजिलो हुन्छ । जिल्लाकै ठुलो क्षेत्र ओगटेको सिमलपानी गाविसलाई नयाँ संरचनामा दुई वडामा विभाजन गरिए पनि स्थानीयले सरकारी सेवा सहजै पाउन कठिन छ ।
पूर्व पश्चिम राजमार्गमा पर्ने कलिवस्तुको बाणडंगा ८ बोडगाउँ वडा कार्यालय नजिकमा अर्घाखाँचीको सितगंगा १३ को सेवा कार्यालय आज शुभारम्भमै मुसिवान, भंगला क्षेत्रका सेवाग्राहिको चाप रहेको थियो । कार्यालयमा नागरिकता लगायतका सिफारिस बनाएर सदरमुकाम र नगरपालिका कार्यालय ठाडा जान सजिलो हुने र सवारी साधन बैंक सामाजिक सुरक्षा भत्ता का लागि समेत सहज हुने भन्दै आफुहरु यस सेवाले खुसी भएको मुसिवानका निम बहादुर भाट लगाएत अधिकांशले खु.सी व्यक्त गरे ।
अर्को समस्या सिमलपानी क्षेत्रमा यतिवेला विधुत ट्रान्सफर विग्रेर विधुत अवरुद्ध छ । सेवाग्राहीको चाप छ । सेवा विकेन्द्रित गरेमा वडाबाट हुने जन्म, मृत्यु, विवाह दर्ता, समबन्ध विच्छेद र बसाइँ सराइको विवरण अनलाइन प्रणालीमा राख्नु पर्छ । तर विद्युत र इन्टरनेटको सहजताले पनि यहाँ धेरै काम गर्न सकिन्छ । र दुवै स्थानबाट चुस्त दुरुस्त सेवा दिन सकिन्छ ।
’ जिल्लाका दुर्गम गाउँ समेटिको सितगंगा देशकै ठूलो नगरपालिका हो ।
कपिलवस्तुको इमिलियामा ८५ वर्षीय जीवकला सारुलाई वृद्धभत्ता लिनका निम्ति खाता खोल्न पुगेका उनका छोरा मणिराम सारु सबैको माग अनुसार यहाँ कार्यालय खोलिएको बताउँछन् ।
’अर्को जिल्ला भए पनि कपिलवस्तु नजिक छ’, उनले भने, ’सबैको माग अनुसार यहा“ कार्यालय राखिएको हो ।’ यस अगाडी शितगंगा ११ ले ईमलियाबाट सेवा केन्द्र मार्फत सेवा दिदै आएको थियो । भने शितगंगा १४ ले पनी कपिलवस्तु सिमा नजिक समथर भुभागबाट सेवा दिदै आएको छ ।
