सरकारद्वारा जेनजी’ पुस्ताले गरेको प्रदर्शनमा गरिएको बर्बर दमन र कलिला विद्यार्थीहरूको हत्याको विरोधमा नेपाली कांग्रेसको भातृ संगठन बाट विधार्थीहरुले धमाधम राजीनामा दिन थालेका छन् । यस संगै सरकारप्रति नेपाल विद्यार्थी संघभित्र असन्तुष्टि चर्किएको छ ।
यसै क्रममा, नेवि संघका केन्द्रीय सदस्य तथा हालै सुरु भएको रुपन्देही क्षेत्र नं. ३ को उपनिर्वाचनमा महत्वपूर्ण जिम्मेवारी पाएका टि.आर. पाण्डेले पदबाट राजीनामा घोषणा गरेका छन् । उनले सामाजिक सञ्जालमार्फत भावुक स्टाटस लेख्दै सरकारप्रति कडा असन्तोष पोखेका छन् ।
यता, नेवि संघ नेतृ सोना पाण्डेले समेत आफ्नो पदबाट राजीनामा दिएकी छिन् । उनले स्टाटसमार्फत सरकारको दमन र अत्याचारले अबोध विद्यार्थीको हत्या कुनै हालतमा क्षम्य नहुने भन्दै पार्टी नेतृत्वलाई चेतावनी दिएकी छिन् ।
सरकारी दमनपछि कांग्रेस संगठनभित्रै असन्तोष देखिन थालेको घटनालाई राजनीतिक रूपमा संवेदनशील मोड का रूपमा हेरिएको छ ।
