हरि आचार्य, कपिलवस्तु
बाणगंगा साइकल यात्रा २०८२ मा सहभागी हुन आउनुहुने आन्तरिक तथा बाह्य साईकलयात्रीहरुलाई होटल तथा पर्यटन व्यवसायी संघ कपिलवस्तुले निशुल्क खाजा वितरण सहित स्वागत गरेको छ ।
करिब ५०० भन्दा बढी साइकल प्रेमीहरू प्रति हार्दिक सम्मान र स्वागत गर्दै होटल तथा पर्यटन व्यवसायी संघ कपिलवस्तुले चारनम्बर चोक – बाणगङा मा सम्पुर्ण साइकल यात्री तथा सहभागीहरूलाई पोषण युक्त खाजा सहित स्वागत साथ सुखद, सुरक्षित र सफल यात्राको शुभकामना व्यक्त गरिएको संघका अध्यक्ष रबिन्द्र पौडेलले जानकारी दिनुभयो ।
साइकल संस्कृतिको विकास र आन्तरिक पर्यटन प्रवद्र्धनमा उत्साह, सहभागिता र ऊर्जावान व्यक्तिहरुलाई स्वागत गर्न पाउनु नै संघको गर्वको कुरा रहेको बताउनुभयो । अतिथि देवो भवः भन्ने मुल उद्देश्यका साथ गरिएको उक्त निशुल्क खाजा वितरण कार्यक्रममा संघका पदाधिकारी तथा सदस्यहरुको उपस्थिती रहेको थियो ।
