लुदस, जीतपुर
राष्ट्रिय स्वाधीनताका लागि राष्ट्रिय अर्थतन्त्र, राष्ट्रिय अर्थतन्त्रको लागि राष्ट्रिय औद्योगीकरण र व्यापार विविधिकरण भन्ने मूल नाराका साथ आगामी शुक्रवार देखि सुरु हुने ‘प्रथम कपिलवस्तु व्यापार मेला–२०८२’ को तयारी पुरा भएको आयोजकले जनाएको छ ।
मेला आयोजक उद्योग व्यापार संघ कपिलवस्तुका
अध्यक्ष खिमानन्द पौडेलले मेलाका लागि ९० प्रतिशत भन्दा धेरै तयारी पुरा भएको बताए । ‘बाँकी गर्नु पर्ने तयारीका कार्य पनि रातभरीमा सकेर विहिवारसम्ममा पूर्ण तयारी गराइने जनाईएको छ । पौडेलले भने, ‘महोत्सवलाई पूर्ण सफल बनाउन सवै पक्षसँग गरिएको छलफलबाट प्राप्त सुझावलाई समेटेर अघि बढेका छौं ।’ उनका अनुसार महोत्सवको उद्घाटन कसले गर्ने भन्ने खुलाएका छैनन् ।
महोत्सवको मुख्य प्रायोजक गाय छाप डिटरजेन्ट पाउडर रहेको छ । मंसिर १७ गतेसम्म सञ्चालन हुने उक्त मेलाको कृषि, पर्यटन, उद्योग र व्यापार प्रबद्र्धन गर्ने मुख्य उद्देश्य रहेको जनाईएको छ ।

महोत्सव स्टल व्यवस्थापन समितिका संयोजक माधव भाट क्षेत्रीले महोत्सवमा स्टल राख्ने व्यवसायीको संख्या उत्साहजनक रहेको बताए ।
महोत्सवको बिशेष आकर्षण जलपरी, फिसटनेल, बालउद्यान र स्थानीयदेखि राष्ट्रिय स्तरका कलाकारहरुको प्रस्तुती छ ।

मेलाले यस क्षेत्रका पर्यटकीय स्थलको विकास गर्ने, उपभोक्तामुखी क्रियाकलापमा बृद्धि गराइ स्थानीय बस्तुको बजार व्यवस्थापनमा सहयोग पुर्याउने, कृषिलाई बैज्ञानिक तथा व्यवसायीकरण गर्नमा सहयोग पुर्याउने, आधुनिक उपकरण नबिन प्रबिधि र ओैद्योगिक उपकारणका वारेमा उद्यमी तथा व्यवसायीलाई जानकारी गराउन सहयोग गर्ने जनाईएको छ ।