हरि आचार्य, कपिलवस्तु
कपिलवस्तु निर्वाचन क्षेत्र नं. १ का नेकपा (एमाले) को तर्फबाट प्रतिनिधि सभा सदस्य पदका उम्मेद्वार विश्राम प्रसाद चौधरीले बाणगंगा १ का मतदातासंग समस्या र आवश्यकताको बारेमा छलफल गर्नुभएको छ । घरदैलोको क्रममा उप्टहवाका मतदाताले उम्मेद्वार चौधरीसंग यस क्षेत्रमा गर्नुपर्ने विकासका कामहरु र नीति निर्माणका कामहरुको बारेमा जानकारी गराएका थिए । उम्मेद्वार चौधरीले यस क्षेत्रका जनताको आधारभुत आवश्यकता सहज रुपमा परिपुर्तिका लागि सदनमा लैजाने उद्देश्यले आफ्नो उम्मेद्वारी रहेको बताउनुभयो । घरदैलोको क्रममा स्थानीय तथा पार्टीका कार्यकर्ताहरुले आफ्ना समस्या, गुनासा राखेका थिए भने उम्मेद्वार चौधरीले उक्त समस्या समाधान गर्न सक्दो प्रयास गर्ने प्रतिवद्धता व्यक्त गर्नुभएको थियो । नेकपा (एमाले) प्रति भएका भ्रमहरु प्रति सत्य तथ्य जवाफ दिंदै उहाँले आफु र पार्टीले गलत काम नगर्ने बताउनुभयो ।
चौधरीले जनताका आवश्यकता सहज रुपमा परिपुर्ती गर्ने खालको नीति बनाउँनका लागि सदनमा कुरा उठाउने आफ्नो उद्देश्य रहेको बताउनुभएको हो । प्रतिनिधि सभा सदस्य पदका उम्मेद्वार चौधरीले एमाले सत्तामा रहदा जति देशको विकास निर्माण अन्य कुनै दलले नगरेकाले जनताले एमालेको सरकार नै चाहेको बताउनुभयो । उहाँले जनताको मुख जित्ने गरि आफुले काम गर्ने प्रतिवद्धता व्यक्त गर्दै सुर्य चिन्हमा मतदान गरि जिताउनका लागि अनुरोध गर्नुभयो ।
मतदाता भेटघाट कार्यक्रममा पार्टीका वडा कमिटी अध्यक्ष खगेश्वर अधिकारी, ईन्चार्ज गंगा भट्राई, नगर कमिटिी सदस्य नारायण पौडेल, राष्ट्रिय युवा संघ नेपाल बाणगंगाका अध्यक्ष बलराम खनाल, स्थानीय नेताहरु बुद्ध शाहि, हिमालय भुसाल लगायतको उपस्थिती रहेको थियो ।
