प्युठानको स्वर्गद्वारी नगरपालिकाका उपप्रमुख मिनराज रानामगर सवार गाडी दुर्घटनामा परेको छ ।
रानामगरले आफैंले चलाएको लुम्बिनी प्रदेश ०१–००१ झ ००८ नम्बर गाडी स्वर्गद्वारी– २ मा दुर्घटनामा परेको हो । गाडी अहिले भिरमा अडकिएको छ ।
जिल्ला प्रहरी कार्यालय प्युठानका प्रहरी निरीक्षक गणेश ज्ञवालीले उपमेयर रानाको अवस्था गम्भीर रहेको बताए । ‘दुर्घटनाको कारण खुलेको छैन । प्रहरी घटनास्थल पुग्दैछ । उहाँ (उपमेयर) को अवस्था गम्भीर रहेको खुल्नमा आएको छ,’ उनले भने ।स्थानीयले उपमेयरको ज्यान गएको बताए ।
प्रकाशित : २०८३ असार १३, शनिबार १८:२६
