बालमैत्री स्थानीय शासनयुक्त नगरपालिका घोषणालाई दिगोपन बनाउन गर्नुपर्ने काम र असल अभ्यासको सन्दर्भमा आज सुनवल र तिलोत्तमा नगरपालिकाका जनप्रतिनिधि, बाल समूह सञ्जालका पदाधिकारी तथा सदस्य र सम्बद्ध शाखाका कर्मचारीहरुबीच छलफल तथा अन्तरक्रिया भएको छ । यसअघि नैं बालमैत्री नगरपालिका घोषणा भएको सुनवल र केही दिनअघि मात्र बालमैत्री नगरपालिका घोषणा भएको तिलोत्तमाबीच अनुभव आदानप्रदान गर्ने उद्देश्यले छलफल तथा अन्तरक्रिया भएको हो । कार्यक्रमको लागि तिलोत्तमा नगरपालिका प्रमुख बासुदेव घिमिरेको नेतृत्वमा बाल समूह सञ्जालका पदाधिकारी तथा सदस्यसहितको टोली सुनवल नगरपालिका पुगेको थियो । टोलीले बालमैत्री नगरपालिका घोषणालाई दिगोपन गराउन सुनवल नगरपालिकाले गरेका असल अभ्यासको बारेमा जानकारी लिएको छ ।
प्रकाशित : २०७८ पुष ७, बुधबार ११:४५
