सेञ्चुरी कमर्सियल बैंक लिमिटेडले आफ्नो सेवा विस्तार गर्ने क्रममा रुपन्देही जिल्लामा थप २ नयाँ शाखा सञ्चालनमा ल्याएको छ ।
बैंकका अध्यक्ष श्री राजेशकुमार श्रेष्ठज्यूले छुट्टछुटै कार्यक्रमहरुकाबीच उक्त शाखाहरुको समुद्घाटन गरी सेवा शुभारम्भ गर्नु भएको छ । बैंकले रुपन्देही जिल्लाकोे तिलोत्तमा नगरपालिका वडा नं. ५ मणिग्राममा मणिग्राम शाखा र सैनामैना नगरपालिका वडा नंं. ४ को मुर्गिया बजारमा मुर्गिया शाखाबाट सेवा प्रारम्भ गरेको हो । मणिग्राम शाखाको सेवा समुद्घाटन बैंकको अध्यक्ष श्री राजेशकुमार श्रेष्ठज्यूले शुभारम्भ गर्नु भएको छ । समुद्घाटन कार्यक्रममा बैंकका संचालक समिति सदस्य श्री मनबहादुर राईज्यू, बैंकका प्रमुख कार्यकारी अधिकृत श्री मनोज न्यौपाने, प्रमुख कर्जा अधिकृत श्री राजेश भण्डारी, तिलोत्तमा उद्योग वाणिज्य संघका अध्यक्ष श्री गुण निधि तिवारी, तिलोत्तमा व्यापार संघका अध्यक्ष श्री बाबुलाल भुषाल, लुम्बिनी प्रदेश प्रमुख श्री विष्णु तिवारी, लुम्बिनी प्रदेश उपप्रमुख श्री यादब भट्टराई, शाखा प्रमुख श्री अजय पोखरेल लगायत बैंकका कर्मचारी तथा स्थानीयबासीहरुको उपस्थिति रहेको थियो ।
साथै मुर्गिया शाखा बैंकको अध्यक्ष श्री राजेशकुमार श्रेष्ठज्यूू र सैनामैना नगरपालिकाको मेयर श्री फणिन्द्र प्रसाद शर्माज्यूूले संयुत्त समुद्घाटन गरी सेवा शुभारम्भ गर्नु भएको छ । समुद्घाटन कार्यक्रममा बैंकका संचालक समिति सदस्य श्री मनबहादुर राईज्यू, बैंकका प्रमुख कार्यकारी अधिकृत श्री मनोज न्यौपाने, प्रमुख कर्जा अधिकृत श्री राजेश भण्डारी, सैनामैना नगरपालिकाको उपमयेर श्रीमती विना राना, सैनामैना उद्योग वाणिज्य संघका अध्यक्ष श्री प्रेम बहादुर खड्का, सैनामैना व्यापार संघका अध्यक्ष श्री गणेश भुसाल, सैनामैना व्यापार संघका पूर्व अध्यक्ष श्री दुर्गा गौतम, लुम्बिनी प्रदेश प्रमुख श्री विष्णु तिवारी, लुम्बिनी प्रदेश उपप्रमुख श्री यादब भट्टराई, शाखा प्रमुख श्री गणेश पौडेल, बैंकका कर्मचारीहरु लगायत अन्य विशिष्ट व्यक्तिहरु तथा स्थानीयबासीहरुको उपस्थिति रहेको थियो ।
२०७८ चैत्रमसान्तसम्ममा बैंकले रु. ९२ अर्ब ९६ करोड निक्षेप संकलन र कर्जा रु. ८९ अर्ब ६५ करोड कर्जा प्रदान गरी १ अर्ब १ करोड ५६ लाख खुद मुनाफा आर्जन गर्न सफल भएको छ । उक्त मुनाफा गत वर्षको सोही अवधिको तुलनामा १८३.५९ प्रतिशतले बढी हो । देशका सुगम तथा दुर्गम क्षेत्रसम्म सेवा विस्तार गर्ने उद्देश्यकासाथ बैंकले देशका विभिन्न स्थानहरुमा शाखा, शाखारहित बैंकिङ्ग तथा एक्सटेन्सन काउण्टरहरु संचालनमा ल्याई बैंकिङ्ग सेवा प्रदान गर्दै आएको छ । बैंकको कुल शाखा संख्या १३९ पुगेको छ भने बैंकले १० एक्सटेन्सन काउण्टर २४ शाखारहित बैंकिङ्ग र ११३ वटा एटिएम मार्फत वित्तीय सेवा प्रदान गर्दै आएको छ
