भैरहवा, ३० जेठ । पेट्रोलियम पदार्थ बोकेका ट्यांकर भारतीय भन्सार कार्यालयले सिस्टम अपडेट नगर्दा सीमापारि रोकिएका छ । भारतीय भन्सार कार्यालयले सिस्टम अपडेट नगर्दा विगत तीन दिनदेखि सीमापारि रोकिएका पेट्रोलियम पदार्थ बोकेका ट्यांकर आज नेपाल आउने भएका छन् । भारतीय भन्सार कार्यालयले प्रयोग गर्दै आएको सिस्टम अपडेट गर्ने भने पनि समयमै नगर्दा नेपाल आउने पेट्रोलियम पदार्थको आयात शनिबारदेखि रोकिएको थियो ।
भारतीय भन्सार कार्यालयले एडी कोड प्रविष्ट गरेर मात्रै निर्यात दिने व्यवस्था अनिवार्य गरेपछि नेपालका लागि ल्याइएको पेट्रोलियम पदार्थ सीमामा रोकिएको नेपाल आयल निगम लुम्बिनी प्रादेशिक कार्यालय भलवारीले बताए । सिस्टम अपडेट नगरिदिँदा शनिबारदेखि नेपालमा कुनै पनि पेट्रोलियम ट्यांकर आउन नसकेको नेपाल आयल निगम प्रादेशिक कार्यालय भलवारीका प्रमुख नवविनोद पोखरेलले बताए । आज कार्यालय खुलेपछि केही समयमा पोखरेलले पोखरेलले बताए ।भारतीय आयल कर्पोरेशनले एडी कोड राख्नुपर्छ, शूक्रबारदेखि लागू भएको नयाँ व्यवस्था अनुसार कर्पोरेशनले कोड राख्न ढिलापछि समस्या आएको हो, अब केही समयमा खुल्ने सूचना पाएका छौं’, उनले भने ।
भैरहवा भन्सार हुँदै दैनिक ४०–५० वटा टयांकर आउने गरेकोमा शनिबार र आइतबार कुनै पनि नआएको भैरहवा भन्सार कार्यालयले जानकारी दिएको छ । भैरहवा भन्सार कार्यालयका प्रमुख ज्ञानेन्द्रराज ढकालका अनुसार आइओसीको सिस्टममा केही परिवर्तन भएकोले आयात रोकिएको छ । भन्सार कार्यालय, नेपाल आयल निगम र सरोकारवाला निकायले समनव्य गरिरहेका छ्न । बेलहिया नाका हुँदै आउने लोडेड ७५ वटा डिजल पेट्रोलका टयांकर सिमापारि नै रोकिएको हो ।
