आाषाढ ७ । आज देवदहमा आठौँ अन्तर्राष्ट्रिय योग दिवसको अवसरमा स्वस्थ जीवनका लागि योग अभ्यास शिविर कार्यक्रम सम्पन्न भएको छ । मंगलबार देवदह नगरपालिका स्वास्थ्य शाखाको आयोजना र नागरिक आरोग्री सेवा केन्द्र देवदह ९ भलुहीको समन्यमा शिविर सम्पन्न भएको हो ।कार्यक्रममा बोल्दै देवदह नगरपालिकाका प्रमुख ध्रुव प्रसाद खरेलले योग मानव जीवनका स्वस्थ महत्वपूर्ण रहेकाले यसतर्फ सबैको ध्यान जानुपर्ने उल्लेख गर्नुभयो । उहाँले देवदहमा योग र साधनाको माध्यमबाट शान्त देवदह निर्माणमा लाग्नुपर्ने बताउनुभयो । आयुर्वेद, ध्यान योग लगायतका महत्वपूर्ण पक्षहरु बिकासमा नगरपालिकाले आवश्यक सहयोग गर्ने प्रतिबद्धता व्यक्त गर्नुभयो ।
योगको महत्वबारे बोल्दै जीवन बिज्ञान योग प्रयोगशालाका योग प्रशिक्षक नमकान्त पाण्डेयले जीवनको समृद्धिका मानव शरीरको ठूलो भूमिका हुने भएकालले शरीरको स्फुर्ती र स्वास्थ्यको लागि योग अत्यावश्यक रहेको बताउनुभयो । प्रशिक्षिक पाण्डेयले महामानव गौतम बुद्धको पवित्र भूमी देवदह पछिल्लो समय अपराधको केन्द्र बनेकोप्रती दुखेसो गर्दै देवदहलाई साँच्चिकै आध्यात्मिक र देव भूमि बनाउनका लागि बिधालयहरुमा ध्यान योग साधना सुरु गर्नका लागि जनप्रतिनिधिहरुलाई पहल गर्न अनुरोध गर्नुभयो ।
शिविरमा बोल्दै योग साधक कमल प्रसाद न्यौपानेले योग साधना विभिन्न सम्प्रदायको अगुवाईमा अगाडि बढेपनि यसको यथार्थ रुप अझै छाँयामा रहेको दाबी गर्नुभयो । उहाँले योग साधनाको लागि उपयुक्त वातावरण निर्माणमा सबैको सहकार्य अपरिहार्य रहेको बताउनुभयो ।
