११ पुष २०८१, बिहीबार ।
गुल्मीमा स्कुटर दुर्घटनामापरि दुइ जनाको मृत्यु भएको छ । जिल्लाको चन्द्रकोट गाउँपालिका वडा नम्बर ७ अन्तरगत सिस्ने खोलामा आज बेलुका लु १६ प १६४४ नम्बरको स्कुटर दुर्घटनामा परेको हो ।दुर्घटनामापरि गुल्मी जिल्ला चन्द्रकोट गाउँपालिका –६ चापकोट निवासी ३० वर्षीय बिनोद बिक र सोही ठाउँका ४० वर्षीय किरण कुमार थापाको मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक शंकर पोख्रेलले जानकारी दिएका छन । दुर्घटनामा परेका दुबै जनालाई प्राथमिक स्वास्थ्य केन्द्र जोहाङ् खैरेनीमा लागिएपछि मृत घोषणा गरिसकेको थियो ।
रिडी–मजुवा सडक अन्तरगत सिस्नेमा दुर्घटना भएको उक्त स्कुटर अनियन्त्रित भई सडकबाट २५० मिटर तल खोलामा खसेको प्रहरीले जनाएको छ । घटनाको जानकारी पाएपछि प्रहरीको टोली घटनास्थलमा पुग्दा स्कुटरमा सबार दुवै जना बेहोस अवस्थामा रहेको बताईएको छ ।
