लुदस, तौलिहवा
नेपाल पत्रकार महासंघ कपिलवस्तुले शाखाले वर्ष २०८२ को भित्तेपात्रे विमोचन गरेको छ ।
आज बिहिवार महासंघको भवन तौलिहवामा नयाँ वर्ष २०८२ शुभकामना आदानप्रदान कार्यक्रमकाबीच महासंघको भित्ते पात्रो विमोचन गरेको हो ।
भित्रे पात्रोमा कपिलवस्तुका पर्यटकिय क्षेत्रको प्रचारप्रसार तथा घुम्न लायक पर्यटकिय क्षेत्रको प्रर्वद्धन समेत हुने बताईएको छ ।
कार्यक्रममा प्रमुख अतिथि नेपाल पत्रकार महासंघ कपिलवस्तुका संस्थापक अध्यक्ष नारायण प्रसाद पौडेलले नयाँ वर्षको अवसरमा सम्पूर्णमा शुभकामना ब्यक्त गरे । पौडेलले अब पत्रकार बनाउने भन्दा पनि टिकाउन तर्फ लाग्नु पर्ने बताए ।
पौडेलले जिल्लामा संचालित संचार माध्यमहरु संकटमा रहेको भन्दै रेडियो तथा पत्रपत्रिकाहरुलाई मर्ज गरेर लैजान सुझाव दिए । यदि अहिले रेडियो तथा पत्रपत्रिकालाई मर्ज गरेर नलगेमा यो समस्या बढ्दै जाने उनाई छ ।
यस्तै नेपाल पत्रकार महासंघ कपिलवस्तुका अध्यक्ष डिलाराम भुसालले पत्रकार तथा यहाँका मिडियाको प्रबद्र्धनका लागि महासंघ प्रतिबद्ध रहेको बताए । कार्यक्रममा नेपाल पत्रकार महासंघका पुर्वअध्यक्ष मनोज पौडेल, लुम्बिनी प्रदेस निवर्तमान अध्यक्ष वसन्त गिरी, महासंघ कपिलवस्तु पूर्व अध्यक्ष किरणमान बज्राचार्य लगाएत पत्रकारहरूको उल्लेख्य सहभागिता रहेको थियो ।
कार्यक्रममा भित्ते पात्रो समितीका संयोजक खग प्रसाद चापागाईं, पत्रकार जानु पाण्डे, गणेश पोख्रेल, मनिस कार्की लगाएतले मन्तब्य राख्दै नयाँ बर्षको अवसरमा शुभकामना दिएका थिए ।
