लुदस
प्राकृतिक श्रोत साधन दोहन गर्नेहरु यो समाजमा सम्मानित भएर बाचेका छन् । खोला नाला दोहन गरेर अकुत कमाएपछी प्रहरी किन्न सकिएला, प्रशासन हातमा लिन सकिएला पैसा कै बलमा चन्दा बाढे्र जुनसुकै राजनैतिक दलबाट टिकट लिने र जित्ने प्रथा नौलो होईन । यस्तै अवस्था रहेको छ । कपिलवस्तु नगरपालिका अर्न्तरगको सगरहवा नाकामा , कपिलवस्तु नगरपालिकाले चालु आ.ब.को लागि नगरपालिका अर्न्तरगतको सगरहवा देखि तिलौरीघाट सम्मको ठेक्कामा ठेकेदारले लुटको सामाज्य नै खडा गरेका छन् । समयमाता निर्माण सेवाको नाममा रहेको सो नदि निकासीमा ठेकेदारले तोकेको मौज्दात भन्दा ५ गुणा बढी नदिजन्य पदार्थ निकासी गर्दा समेत अझै बन्द गर्न तर्फ ठेक्का लगाउने निकाय अग्रसर छैन् ।
जनप्रतिनिधिहरुकै ठेक्कामा अघोषित लगानी रहेको स्वयम पालिकाका कर्मचारी देखि जनस्तर सम्म चर्चा छ । पालिकाका एक कर्मचारीले नाम नबताउने शर्तमा भने “जनप्रतिनिधिहरु नै उक्त ठेक्कामा संलग्न छन् कसरि कार्वाही गर्न सकिन्छ । यस्तै छ यहाँको चलन बुझनुभएकै छ ”। उनको यो भनाईले पनी
जनप्रतिनिधि र कर्मचारीकै मिलेमत्तो भएपछी लुट मच्याउने ठेकेदारलाई कसले कार्बाही गर्ने गत आईतबार लुम्बिनी दर्पण साप्ताहिक र अनलाईनले नाकामा ठेलीका ठेली नक्कली रसिद सहितको तथ्य प्रमाण सहित समाचार प्रकाशित गर्यो समाचारले स्थानीय जनतामा तरङ्ख ल्यायो तर ठेकेदारलाई कार्वाही गर्ने निकाय भने अझै मौन छ ।
ठेकेदारले ठेलीका ठेली नक्कली रसिद प्रयोग गरि मापदण्ड छलि मात्र होईन राजश्व समेत छली गर्दै आएको छ । नगरले तोकेको परिणाम छलि गर्न ठेकेदारले शुरुवातदेखि नै लुट मच्याएको यसरी समाचार प्रकाशित भएको थियो ।
यो हेर्नुहोस
श्री समय माता निर्माण सेवा मिति ०१ /०७ मा ६५१ नं उल्लेख गरिएको ठेलीबाट रसिद लु ४ त ३१८६ नं को ट्ेक्टरलाई १३ सय रुपैयाँमा विक्रि गर्दछन् । पुन सोही नं को अर्को नक्कली रसिद ०१/०८ गते अर्थात लु ४ त ९००० नं को ट्क्टरलाई विक्रि गरेको छ । यसमा दैनिक जसो ठेलीका ठेली नक्कली रसिद प्रयोग गरि ट्याक्टर व्यवसायी सहितको मिलेमत्तोमा नदिजन्य पदार्थ छलि भएको हो । त्यतिमात्र होईन ५५१ नं को यो ठेली हेनुहोस समय माता निर्माण सेवाको लुट धन्दा त्यतिमै सिमित कहाँ छ र ? प्रदेश र स्थानीय तहले यसवर्ष नदिजन्य पदार्थ कार्यविधिमा डम्पिङ्ग गरि नापजाँच गरेर मात्र बाहिर निकाल्ने प्रावधान बताएको छ । तर उक्त ठेकेदारले परिणाम छलि गर्न सोझै नदिबाट सप्लायर्सहरुमा सोहि नक्कली रसिद ठमाएर विक्रि गरिरहेका छन् ।
यसमा नजीकका सप्लायर्स र वालुवा प्रशोधन केन्द्रको समेत लगानी देखिन्छ जसबाट यि विक्रि केन्द्र सप्लासर्य पिच्चे एउटै नं का नक्कली रसिदको प्रयोग गरि शुरुवातदेखि नै कारोबार भैरहेको देखिन्छ ।
यसरी समाचार प्रकाशित भैसकेपछी नाका बन्द गरेर कानुनी उपचारमा लाग्नुको साटो ठेकेदारलाई अझैपनी मनपरि उत्खनन्मा छुट दिनु रहस्यमय छ । यस विषयमा अनुगमनको जिम्मेवारी पाएको जिल्ला समन्वय प्रमुख बाबुराम आचार्यले आफु समक्ष यो विषय आई नसकेको बताए । यता प्रमुख जिल्ला अधिकारी दिल कुमार तामाङ्गले तत्काल कृते अनुसन्धान अगाडी बढाउन नगरपालिका र प्रहरीलाई पत्राचार गर्ने बताए । यस अगाडी नदिनालामा बेथिति मच्चिएको भन्दै नियन्त्रण गर्न राष्ट्रिय जनमोर्चाले समेत प्रमुख जिल्ला अधिकारी दिल कुमार तामाङ्ग लाई ज्ञापन पत्र बुझाउदै नगरलाई बोद्धार्थ समेत दिएको थियो ।
स्थानियबासीले नदिको बम्रलुट, कोलाहल र खेतियोग्य जमिनमा समेत धुलोधुवा प्रदुषण र खानेपानीको नलहरु सुक्न थालेको भन्दै बरु विकास नचाहिने तर यो तत्कल रोक्नुपर्ने आवाज उठाएका छन् ।
राजनितिक दल, नागरिक समाज, उपभोक्ता हक हित संरक्षण मञ्चले पनि यस विषयमा आवश्यक कदम चाल्न जरुरी छ । नगरपालिका र जिल्ला अनुगमन समन्वय समिति कपिलवस्तुले यसबारे तथ्यपूणर् अनुगमन तथा अनुसन्धान गरि प्रतिवेदन तयार पारि ठेक्का बन्द गराउन र ग्रैहकानुनी कार्य गर्ने ठेकेदारलाई कार्वाहि गर्ने तर्फ कहिले ध्यान जाला ? त्यो भने हेर्न बाँकी नै छ । यस विषयमा नगरपालिका का मेयर सुदिप पौडेललाई सम्पर्क गर्न खोज्दा सम्पर्क हुन सकेन् । अनुगमन संयोजक रहेकी उप मेयर सुनिता गुप्ताले अनुगमनका लागि कार्यालयबाट आफुलाई कुनै सहयोग नै नभएको बताईन् ।
