बुटवल उपमहानगरपालिकाले वर्षेनि एक करोड रुपैयाँभन्दा बढी आम्दानी दिने स्थानीय हाटबजारहरूलाई व्यवस्थित गर्ने अभियान सुरु गरेको छ। आयको स्रोत बनेका यस्ता बजारहरू समयसँगै अव्यवस्थित र असुरक्षित बन्दै गएपछि उपमहानगरले नयाँ योजना अघि सारेको हो।विशेष गरी बुटवल–९ स्थित ‘त्रिवेणी हाटबजार’ र अन्य मुख्य बजार क्षेत्रहरूमा भौतिक पूर्वाधार विकास, सडक स्तरोन्नति, सरसफाइ तथा ट्राफिक व्यवस्थापनका काम थालिएको छ। उपमहानगरका प्रमुख खेलराज पाण्डेका अनुसार, हाटबजार क्षेत्रलाई व्यवस्थित बनाएर व्यापारिक गतिविधिलाई थप उत्साहजनक बनाउने र कर प्रणालीलाई पारदर्शी बनाउने उद्देश्य लिइएको छ।गरप्रमुख भन्छन्– हाटबजारलाई व्यवस्थित गराउँछौँ
बुटवल उपमहानगरपालिका प्रमुख खेलराज पाण्डेयले हाटबजारलाई व्यवस्थित गर्ने सवालमा आफु प्रतिबद्ध रहेको बताउँछन् । उनले अहिलेको बजेट मार्फत सक्दो बजेट विनियोजन गरेर हाटबजारलाई व्यवस्थित बनाइने बताए ।
गतवर्ष पनि बुटवल उपमहानगरपालिकाले हाटबजारलाई व्यवस्थित गर्नका लागि सक्दो बजेट विनियोजन गरेको र अहिले पनि सक्दो बजेट विनियोजन गरी हाटबजारलाई अझ व्यवस्थित बनाउने उनले बताए ।
‘म निर्वाचित भएर आएदेखि नै हाटबजारलाई व्यवस्थित बनाउनका लागि सक्दो पहल गरि नै रहेको छु, गत वर्ष पनि उपमहानगरपालिकाले सक्दो बजेट विनियोजन गरेको नै थियो, अहिले पनि स्रोतले भएसम्मको बजेट विनियोजन हुन्छ,’–नगरप्रमुख पाण्डेयले भने । वार्षिक करोड आम्दानी
बुटवल उपमहानगरपालिकाको आम्दानीको मुख्य स्रोत हाटबजार बनेको छ । उपमहानगरपालिकाले हाटबजारबाट वार्षिक एक करोड भन्दा बढी आम्दानी गर्दै आइरहेको छ । उपमहानगरपालिकाले आर्थिक वर्ष २०७९- ८० मा १ करोड २५ लाख ५६ हजार आम्दानी गरेको राजश्व शाखाका अधिकृत पुष्पराज ज्ञावलीले बताए ।
यस्तै आर्थिक वर्ष २०८०-८१ मा १ करोड ३२ लाख ७५८ राजश्व संकलन भएको ज्ञावलीे बताउछन । आर्थिक वर्ष २०८१-८२ मा पनि सोही अनुपातमा नै राजश्व संकलन हुने उनले बताए । ‘आर्थिक वर्ष २०८१-८२ मा पनि १ करोड भन्दा माथि नै राजश्व संकलन हुन्छ । अहिले आर्थिक वर्ष चलिरहेकाले सबै विवरण आएको छैन्,’–उनले भने ।
व्यवसायी भन्छन्–‘हामीलाई टिनको छानो, शौचालय, पानी, विद्युत भए हुन्छ’
हाटबजार व्यवसायीहरुले सरकारसँग सामान्य माग राखे पनि पुरा नभएको बताउँदै राज्यले राजश्व चर्को रुपमा लिए पनि आधारभूत सेवा पनि पुरा नगरेकको बताउँछन् ।
टिनको छानो, शौचालय, पानी र विद्युत मात्रै भए आफुहरु सन्तुष्ट हुने हाट बजार व्यवसायी संघ रुपन्देहीका अध्यक्ष हुमराम पोखरेले बताए् ।
‘हाम्रा धेरै ठुला माग छैन् । हामीलाई व्यवस्थित टिनको छानो, शौचालय, पानी र विद्युत भए पुग्छ । यी हाम्रा मागहरु आधारभूत माग नै हुन् । तर, अहिले पनि बुटवलसहित जिल्लाका धेरै हाटबजारमा यी माग पुरा भएका छैनन्’–उनले भने । बुटवल उपमहानगरपालिकाले गत वर्ष ३० लाख बजेट विनियोजन गरिदिएको र दिपनगरको हाटबजारमा ट्रस्ट लगाएको बताए ।
बुटवल उपमहानगरपालिका भित्र मात्रै २ हजार भन्दा बढी हाटबजार व्यवसायी रहेको अध्यक्ष पोखरेल बताउछन ।
‘बुटवलमा मात्रै हामी हाटबजार व्यवसायीहरु २ हजार छौँ । रुपन्देही जिल्ला भरमा किसान र व्यवसायी गरी ५० हजार भन्दा बढी नै छौँ,’–उनले भने । साथै अध्यक्ष पाखेलरले प्रदेश सरकारले अहिलेसम्म बुटवलमा हाटबजारलाई व्यवस्थित गर्नका लागि एक रुपियाँ पनि बजेट विनियोजन नगरेको बताए ।