अनियन्त्रित नदि दोहनले बाधक्षेत्र जोखिममा , किसान अगुवाद्धारा चिन्ता व्यक्त
लुदस, जीतपुर
बाणगंगा नदिमा भएको अनियन्त्रित नदि दोहनका कारण सिंचाई संरचनाहरु जोखिममा परेको प्रति किसान अगुवाहरुद्धारा चिन्ता व्यक्त गरेका छन् ।
सनिवार कपिलवस्तुको बाणगंगा ६ लक्ष्मणघाटमा आयोजित प्रगति ४ मौजा सिंचाई आयोजनाको दोस्रो साधारण सभा तथा पहिलो अधिवेशन कार्यक्रममा बोल्ने किसान अगुवाहरुले नदिको अनियन्त्रित दोहनले ४ मौजा सिंचाई आयोजना, बाणगंगा सिंचाई आयोजना लगाएतका सिंचाई क्षेत्रहरु जोखिममा परेको भन्दै यसलाई जोगाउन अव किसान उठनुपर्ने अवस्था श्रीजना भएको बताएका थिए । बाणगंगा नदिमा केही समय अगाडी मात्र पनी बाधको समेत वेवास्ता गर्दै अन्धधुन्द स्काभेटर संचालन गरेको उनीहरुको भनाई छ । कार्यक्रममा वडा नं ६ का वडाध्यक्ष करुण टण्डन,किसान अगुवा भभुते प्रसाद चौधरी, हुमनाथ भट्राई, समाजसेवी राम प्रसाद बेल्वासे पत्रकार महासंघका कोषाध्यक्ष मोहन बेल्वासे लगाएतले मन्तव्य व्यक्त गरेका थिए । अधिवेशन कार्यक्रममा दोस्रो कार्याकालका निम्ति समेत किसानको गर्जिलो आवाजले पुन ससि सापकोटालाई अध्यक्षमा निर्वाचित गरेका छन् । नेतृत्व अरुलाई हस्तान्तरण गर्नुपर्छ भन्ने धारणा राख्दै आएका सशीलाई आम किसानहरुले भरोषा गर्दै अव एक कार्यकाल सापकोटा अध्यक्षमा नआए सिंचाईका विकराल समस्यासंग जुधन हम्मे हम्मे पर्ने र करिव ८ सय हेक्टर सिंचित किसानको सपना टुटने भन्दै दोहोरिन आग्रह गरेपछी सापकोटा बाध्यतामा परेका हुन् । उनीसंगै उपाध्यक्षमा भभुते प्रसाद थारु, र कोषाध्यक्ष सहित केही सदस्य समेत दोस्रो कार्यकालको जिम्मेवारीमा दोहोरिएका हुन् । सचिवमा जितमान वि.क, सह सचिवमा टामलाल बेल्वासे, कोषाध्यक्षमा रिता पाण्डे, सदस्यहरुमा एरिका नेपाली, नरेश थारु, रमेश थारु, बेद प्रकाश पौडेल लगाएत निर्वाचित भएको निर्वाचन समितिका संयोजक मोहन बेल्वासेले बताए । कार्यक्रममा सचिव खड्ग बहादुर थापा ले प्रगति प्रतिवेदन प्रस्तुत गरेका थिएभने कोषाध्यक्ष रिता पाण्डेले आर्थिक वर्ष २०८०/२०८१ को कुल ८१ लाख, ८१ ह्जार ३ सय ७० रुपैया ८० पैसा बराबरको आयव्यय प्रस्तुत गरेकी हुन् । अन्तमा सापकोटाले आगामी प्रतिबद्धता व्यक्त गर्दै सवैको साथ सहयोग विना किसान क्रान्ति सफल नहुने भन्दै विगतमा छुटेका कामलाई निरन्तरता दिने बताएका हुन् ।
यसैविच वडा नं ६ का सुचना संवाहक को रुपमा काम गर्दै आएका चौकिदारहरुलाई वडा कार्यालयको तर्फदेखि समेत माईक र लाईट हस्तान्तरण गरिएको थियो ।