लुदस,
कपिलवस्तुको बाणगंगा नगरपालिकाले लगाएको नदिजन्य ठेक्का अर्न्तरगत भग्लापुर बनकसिया नाकामा ठेकेदारले मनपरि उत्खनन् गरिरहेका छन् । नगरले बातावरणीय प्रभाव मुल्याङ्कन नै नगरेको, नापजोख नगरेको स्थानबाट ठेक्का पाएको एभरेष्ट गृप अफ विल्डर्स एण्ड सप्लायर्स ले दुईवटा स्काभेटर प्रयोग गरि गत चैत्र २७ गतेबाट अन्धधुन्ध उत्खनन् गरेको हो ।
सुरुवाती दिनदेखि नै ठेक्का नै नलगाएको स्थानबाट शूरु गरेको ठेकेदारले नगर प्रतिनिधिहरु सहितको मिलेमत्तोमा सोझै क्रेशरमा समेत नदिजन्य पदार्थ पुर्याएको भेटिएको हो । ठेकेदारको रजाईले यतिखेर बन र बस्ती क्षेत्रमा ठुलो असर देखिएको छ ।
यसवर्ष पानीको बहाव क्षेत्र भित्रको पनी वालुवा स्काभेटर प्रयोग गरि अन्धधुन्ध निकासी हुदाँ चरिचरनमा समेत असर पुगेको स्थानीय गोठालाहरु बताउछन् । पानी भित्रैदेखि ठुल्ठुला खाल्डा बनाएर स्काभेटरले नदिजन्य पदार्थ निकाल्दा नगरले खटाएका नगर प्रहरी टुलुटुलु हेर्न बाध्य छन् । नदिजन्य पदार्थमा मनपरि ठेक्का लगाएर ठेकेदारले गरेको नदिजन्य पदार्थको दोहनको गम्भिर असरहरु वर्षायामको बाढीमा देखा पर्ने गरेका छन् । नगरपालिकाले नापजाँच गरेको बडेमानको थप्रो समेत ८ हजार ८ सय ८२ घनमिटर मात्र हुनुले पनी स्थानीय आश्चर्यमा परेका छन् । दुईवटा स्काभेटरले १२ औं दिनसम्म दई दर्जन बढी टिप्परले बोक्दा समेत सो परिणाम देखाईनु आफैमा गम्भिर विषय बनेको छ ।
