जितपुर मन्टेश्वरी स्कुलद्धारा सामाजिक सञ्जाल मार्फत नतिजा प्रकाशन

ByLumbini Darpan Online

१९ बैशाख २०७७, शुक्रबार १२:३८ १९ बैशाख २०७७, शुक्रबार १२:३८ १९ बैशाख २०७७, शुक्रबार १२:३८

हरि आचार्य कपिलवस्तु, बैशाख १९
कोरोना भाइरस (कोभिड(१९) ले गर्दा नेपालमा लकडाउन सुरु भएसँगै देशैभरका विद्यार्थीको पढाइ अबरुद्ध भएको छ भने नतिजा पनि प्रकाशन गर्न अप्ठ्यारो भईरहेको छ । कोरोनको जोखिमलाई मध्यनजर गर्दै लकडाउनको पुर्ण पालना सहित कपिलवस्तुको चार नम्बर जितपुर स्थित जितपुर मन्टेश्वरी स्कुलले सामाजिक सञ्जाल मार्फत विद्यार्थीहरुको नतिजा सार्वजनिक गरेको छ । परिक्षामा ७१ जना सहभागी वालवालिकाहरुको नतिजा प्रकाशन गरिएको मन्टेश्वरीकी निर्देशक शान्ती क्षेत्रीले बताएकी छन् ।

७१ जना मध्ये कक्षा नर्सरीबाट ९९.९२ प्रतिशत सहित संयम शर्मा प्रथम भएका छन् । त्यस्तै ९९.६४ प्रतिशत सहित दिभ्यांका भण्डारी द्धितीय, ९९.३८ प्रतिशत सहित दिक्क्षिता केसी र अल्का थापा तृतीय तथा ९८.७१ प्रतिशत सहित कुशल बन्जाडले शान्त्वना स्थान हासिल गरेका छन् ।

जितपुर मन्टेश्वरी स्कुलका वालवालिकाहरु
जितपुर मन्टेश्वरी स्कुलका वालवालिकाहरु

जसको विवरण सामाजिक सञ्जाल मार्फत अभिभावकलाई पठाइएको मन्टेश्वरीका सञ्चालक सुशील पौडेलले बताएका छन् । उनले उत्कृष्ट विद्यार्थीहरुलाई अभिभावक समारोहको आयोजना गरि लकडाउन पछि अभिभावक तथा विद्यार्थीहरुलाई पुरस्कार बितरण गरिने बताए ।

उत्कृष्ट सम्पुर्ण वालवालिकाहरुलाई सञ्चालक सुशिल पौडेल, असीम क्षेत्री, सन्दिप जिसी, प्रविन पौडेल, बिनिता आचार्य, बिष्णु पन्त, प्रिन्सिपल अशोक पौडेल र निर्देशक शान्ती क्षेत्रीले बधाई सहित समुज्जवल भविष्यको कामना गरेका छन् । साथै नयाँ वालवालिकाहरुको भर्नाका लागि सामाजिक सञ्जाल तथा कार्यालको फोन नं. ०७६५५०४३८ मा सम्पर्क गर्न सम्पुर्ण अभिभावकहरुलाई मन्टेश्वरीले आग्रह गरेको छ ।

Facebook Comments Box

Leave a Reply

Your email address will not be published. Required fields are marked *