लुदस, भलवार्ड
कपिलवस्तुको बाणगंगा नगरपालिका वडा नम्बर ९ जिनुवामा पानिले भरिएको पोखरी घोलो डुबेर एक बालकको मृत्यु भएको छ । जिनुवा स्थित सगरमाथा विद्या मन्दिर विद्यालय नजिकै रहेको पानिले भरिएको कुलोमा माछा मर्ने क्रममा डुबेर शनिबार उनको मृत्यु भएको हो ।
मृत्यु हुनेमा सोही वडाको जिनुवा बस्ने बर्ष अन्दाजी ११ का सुदिप राना रहेको वडा अध्यक्ष कमल पौडेलले बताएका छन् । मृतक बालकले सोही स्थानमा रहेको सगरमाथा विद्या मन्दिर विद्यालयको कक्षा ५ मा अध्ययनरत थिए ।
घटना स्थलमा ईलाका प्रहरी कार्यालय पिपराबाट प्रहरीको टोली पुगेको छ । घटनाका विषयमा थप अनुसन्धान भइरहेको प्रहरीको भनाइलाई उदृत गर्दै वडा अध्यक्ष पौडेलले घटना स्थलबाट जानकारी दिएका छन् । मृतक बालको शव थप अनुसन्धानका लागि पोष्टमार्टम गर्न पठाउने तयारी भइरहेको जनाइएको छ । करिव २ हप्ता अगाडी सोहि वार्ड अर्न्तरगत कोईली खोलामा डुबेर एकजना बाललको ज्यान गएको थियो । सो घट्ना सेलाउन नपाउदै घट्ना दोहोरिनुले स्थानीय स्तब्ध बनेका छन् ।
