प्रदेश ५ सरकारले ३८ अर्ब हाराहारीको बजेट ल्याउने, प्राथमिकतामा के के छन् ?

ByLumbini Darpan Online

२१ बैशाख २०७७, आईतवार ०८:१७ २१ बैशाख २०७७, आईतवार ०८:१७ २१ बैशाख २०७७, आईतवार ०८:१७

लुदअ बुटवल बैशाख २१
प्रदेश पाँच सरकारको आर्थिक वर्ष २०७७र७८ को बजेट नीतिमा कृषि क्षेत्रको पुनरुत्थान र वैदेशिक रोजगारबाट फर्कने व्यक्तिहरुका लागि रोजगार सिर्जना प्राथमिकतामा परेका छन्।

प्रदेश पाँच सरकारले आगामी आर्थिक वर्ष २०७७र७८ का लागि करिब ३८ अर्व रुपैयाँबराबरको बजेट ल्याउने भएको छ। आर्थिक मामिला तथा योजना मन्त्रालयले दिएको जानकारीअनुसार यो बजेट अर्थतन्त्र र कृषि क्षेत्रको पुनरुत्थान गर्न तथा वैदेशिक रोजगारबाट फर्कने व्यक्तिहरुका लागि रोजगारी सिर्जनामा केन्द्रित हुनेछ। मन्त्रालयका योजना तथा बजेट महाशाखा प्रमुख जनार्दन पौडेलले करिब ३८ अर्व रुपैयाँ बराबरको बजेट ल्याउने तयारी भइरहेको बताए।

‘प्रस्तावित बजेटको आकार चालु आर्थिक वर्ष २०६७र७७ को भन्दा करिब सवा अर्व रुपैयाँले बढी हो। सरकारले प्रदेश सभामा जेठ १५ अगावै नीति तथा कार्यक्रम र असार १ गते बजेट पेस गर्ने छ। चालु आर्थिक वर्षमा मन्त्रालयहरुले खर्च गर्न नसकेको बजेट सञ्‍चित कोषमा रहने र आन्तरिक आम्दानीमा केही वृद्धि हुने देखिएकाले कोरोना कहरका बाबजुद बजेटको आकार चालु आर्थिक वर्षको भन्दा नघट्ने प्रदेश योजना आयोगको ठहर छ।

सरकारले चालु आर्थिक वर्षका लागि कुल ३६ अर्व ४१ करोड ६८ लाख रुपैयाँको बजेट ल्याएको थियो। प्रदेश लेखा नियन्त्रक कार्यालयका अनुसार फागुन मसान्तसम्म पूँजीगततर्फ ३०।५४ प्रतिशत र चालुतर्फ ३२.१० प्रतिशत बजेट खर्च भएको छ। यो अवधिसम्म ठेक्का नलागेका आयोजनाको बजेट ‘सरेण्डर’ गरिएको छ। कोरोना महामारीबाट शिथिल हुनसक्ने अर्थतन्त्रको पुनरुत्थानलाई प्रथामिकतामा राख्दै कृषि उत्पादनको निरन्तरता र विदेशबाट फर्कनसक्ने श्रमशक्तिलाई रोजगारीको सिर्जनामा ध्यान केन्द्रीत गरेर बजेट बनाइरहेको मन्त्रालयका अधिकारीहरुले बताएका छन्।

तर, अर्थतन्त्रमा कोरोना कहरले निम्त्याउनसक्ने गिरावटको वास्तविक प्रक्षेपण गर्न मन्त्रालयलाई सकस परिरहेको छ। तैपनि सबैभन्दा प्रभावित भएको कृषि क्षेत्र र विप्रेषण आप्रवाहमा आउने भारी गिरावटलाई ध्यानमा राखेर बजेट निर्माण गर्न लागिएको योजना आयोगका उपाध्यक्ष प्रा।डा। गौतमले बताए।

Facebook Comments Box

Leave a Reply

Your email address will not be published. Required fields are marked *

तपाईले छुटाउनुभयाे कि?