लुदस तौलिहवा

बुधबार बसेको मन्त्रिपरिषद बैठकले आगामी जेठ ५ गतेसम्म लकडाउन लम्ब्याउने निर्णय गरेको हो ।

चैत ११ देखि सरकारले जारी गरेको लकडाउनको अवधि भोलि बिहीबार सकिँदैछ । लकडाउनकै बीच यतिबेला नेपालमा कोरोना संक्रमितको संख्या ८२ पुगेको छ । संक्रमितको संख्या बढ्ेसंगै भारतसंग सिमा जोडिएका जिल्लाहरुमा अझ उच्च सर्तकता अपनाउन जरुरी हुन्छ । तर जिल्लाको दक्षिणी क्षेत्र पकडी, सदरमुकाम तौलिहवा क्षेत्रमा भने दिन प्रतिदिन मानिसहरु सड्कमा देखिन थालेका छन् । बैक क्षेत्र सब्जी पसल र अन्य चोकहरुमा समेत साना सवारीको चाप बढ्ेको हो । लकडाउनको समय लम्बिदै जान थालेपछी मानिसहरु सड्कमा दिन प्रतिदिन निस्कन थालेको र प्रशासनले समेत कडाई नगरेको स्थानियहरु बताउछन् । यसरी बेवास्ता गर्दा जोखिम बढ्ने र हिड्डुल गर्नेको संख्या पनी बढ्ने उनिहरुको बुझाई छ ।