लुदअ काठमाडौं, वैशाख २६
शुक्रबार नेपालगन्जमा थप एकजनामा कोरोना संक्रमण देखिएको छ । योसँगै नेपालमा कोरोना संक्रमितको संख्या १०२ पुगेको छ ।
स्वास्थ्य तथा जनसंख्या मन्त्रालयले नियमित गर्दै आएको ‘प्रेस ब्रिफिङ’मा शुक्रबार मन्त्रालयका प्रवक्ता डा. विकास देवकोटाले नेपालगन्जस्थित भेरी अस्पतालमा गरिएको परीक्षणमा १६ वर्षीय एक पुरुषमा कोरोना संक्रमण देखिएको जानकारी दिए ।
यस्तै, ‘लकडाउन’का कारण मानिसमा नकारात्मक असर परेको भन्दै मन्त्रालयले सकारात्मक सोच राख्न र केही सिर्जनशील काम आग्रहसमेत गरेको छ ।
प्रकाशित : २०७७ बैशाख २६, शुक्रबार १५:५७
