कपिलवस्तुमा आज २४ जना संक्रमित थपिए सँगै जिल्लामा १०९ जना पुगे

ByLumbini Darpan Online

१३ जेष्ठ २०७७, मंगलवार १३:३६ १३ जेष्ठ २०७७, मंगलवार १३:३६ १३ जेष्ठ २०७७, मंगलवार १३:३६

लुदअ जेठ १३ ।

देशमा कोरोना संकमितको संख्या बढ्दै गए सँगै आज मंगलबार ९० जना थपिएका नयाँ संकमित मध्ये २४ जना कपिलवस्तु जिल्लाका रहेका छन् । सरकारले मंगलबार सार्वजनिक गरेको रिपोर्ट अनुसार आज कपिलवस्तुमा नयाँ थपिएका २४ जना यशोधरा गाउँपालिका वार्ड नं.१,२ र ८ का रहेका छन् ।

यस्तै बाँकेको डुडुवा गाउँपालिकाका ३ जना, राप्ती सोनारी गाउँपालिकाका ३ जना, वैजनाथ गाउँपालिकाका एक जना र नेपालगञ्ज उपमहानगरपालिकाका १ जनाको कोरोना पोजेटिभ देखिएको हो ।

प्रदेश जनस्वास्थ्य निर्देशनलायका तथ्यांक अधिकृत मनबहादुर वलीका अनुसार कपिलवस्तुका संक्रमितको स्वाबको पीसीआर परीक्षण राप्ती स्वास्थ्य विज्ञान प्रतिष्ठानको प्रयोगशालामा र बाँकेका संक्रमितको स्वाबको परीक्षण भेरी अस्पतालको प्रयोगशालामा भएको हो । यो सँगै नेपालमा कोरोना संक्रमितको संख्या ७ सय ७२ जना पुग्दा प्रदेश ५ मात्रै ३ सय ३० जना पुगेको छ ।

मंगलबार साँझसम्मको अद्यावधिक अनुसार बाँके जिल्लामा १ सय ५४ जना, कपिलवस्तु जिल्लामा १ सय ९ जना, रुपन्देही जिल्लामा ४४ जना, नवलपरासी पश्चिममा ५ जना, बर्दिया जिल्लामा ७ जना, दाङ जिल्लामा ५ जना, गुल्मी जिल्लामा ४ जना र अर्घाखाँचीमा २ जनामा संक्रमण भएको पुष्टि भएको छ । गुल्मीमा भेटिएका एकजना भने दाङका स्थायी बासिन्दा हुन् ।

Facebook Comments Box

Leave a Reply

Your email address will not be published. Required fields are marked *