विपन्न र मजदुर परिवारको साहारा बन्दै, आदर्श जनकल्याण युवा क्लब

ByLumbini Darpan Online

३० जेष्ठ २०७७, शुक्रबार ०४:४३ ३० जेष्ठ २०७७, शुक्रबार ०४:४३ ३० जेष्ठ २०७७, शुक्रबार ०४:४३

हरि आचार्य कपिलवस्तु, जेठ ३०

कोरोना भाईरस (कोभिड १९) का कारण लकडाउन घोषणा भए पछि विपन्न गरिवारलाई छाक टार्न गाह्रो भएको छ । साढे २ महिना भन्दा धेरै लकडाउन भएसंगै दैनिक रुपमा काम गरेर छाक टार्ने मजदुरको अवस्था दयनिय बनेको छ । यो विषम परिस्थितीको बेला विगत देखिनै सामाजिक कार्यमा सक्रिय बन्दै आईरहेको नुवाकोट स्थित आदर्श जनकल्याण युवा क्लब गरिव तथा मजदुर परिवारको साहारा बनेको छ ।

कोरोना महामारी पछिको लकडाउनका कारण समस्यामा परेका दुई सय ५२ परिवारलाई आदर्श जनकल्याण युवा क्लबले राहत वितरण गरी उनिहरुको साहारा बनेको हो । राहत पाएसंगै उनीहरुले क्लवलाई धन्यवाद दिदै खुसी व्यक्त गरेका थिए ।

विश्वव्यापी रुपमा फैलिएको कोरोना भाइरस संक्रमण फैलिन नदिन सरकारले गरेको लकडाउनले गर्दा जीवनयापन गर्न कठिन भइरहेको अवस्थामा विदुर नगरपालिका वडा नं. ७ का परिवारहरुलाई राहत वितरण गरिएको क्लवका उपाध्यक्ष नारायण प्याकुरेलले जानकारी दिए । स्वीस नागरिकको सहयोगमा नेपाल ड्रिम पाथ ट्रेक्सका सञ्चालक दामोदर प्याकुरेलले राहत सामाग्री उपलव्ध गराएको थियो । क्लवले प्रति परिवार १५ केजी चामल, १ पाकेट तेल, १ प्याकेट नुन र २ वटा साबुन प्रदान गरेको सचिव रामशरण प्याकुरेलले बताए ।

वडामा समस्यामा परेका नागरिकको समस्या समाधानका लागि क्लव निरन्तर रुपमा लाग्ने क्लबका अध्यक्ष भिमसेन बोगटीले बताए । उनले वडा भित्रका मात्र नभइ बिभिन्न जिल्लाबाट कामका लागि वडाभित्र रहेका मजदुरहरुलाई पनि राहत दिएको भन्दै आगामी दिनमा पनि यसलाई निरन्तरता दिने बताए । २०५३ सालमा स्थापना भएको क्लवले निरन्तर रुपमा सामाजिक कार्यमा काम गरिरहेको छ ।

शिक्षा, स्वास्थ्य, मानवअधिकार, खेलकुल जस्ता प्रत्यक्ष रुपमा सर्वसाधारणसंग जोडिने बिषयमा क्लव आफ्नो काम गर्दै आएको छ । क्लवले २०७६ सालदेखि एम्वुलेन्स सञ्चालनमा पनि ल्याएको छ ।

Facebook Comments Box

Leave a Reply

Your email address will not be published. Required fields are marked *