लुदअ कपिलवस्तु, असार १०
अर्घाखाँचीको शितगंगा नगरपालिका १४ मा पिसिआरको लागि स्वाव संकलन गरेको लामो समय सम्म रिर्पोट नआउदा उनिहरु त्रसित भएका छन् । शितगंगा नगरपालिका बाट संकलन गरेर पठाएका स्वावको रिर्पोट ठिलो आउँदा उनिहरुमा मानसिक तनाव बढ्ने गरेको छ । पिसिआर रिर्पोट लामो समय सम्म नआए पछि तनावका कारण १ जनाले आत्महत्या समेत गर्दा पनि अर्घाखाँची बाट रिर्पोटको लागि दवाव दिन नसक्दा क्वारेन्टिनमा बस्नेहरुमा मानसिक तनाव बढेको स्थानियहरु बताउँछन ।
रिपोर्ट कुर्दा कुर्दै मृत्यु
लामो समय सम्म रिर्पोन नआएकै कारण उपचारमा ठिलो हुँदा एक जना बिरामीको समेत शितगंगामा मृत्यु भएको छ तर पनि लामो समय सम्म रिर्पोट नआउदा पनि अर्घाखाँची र शितगंगाको सक्रमण फैलिने सम्भावना समेत बढेको छ । अर्घाखाँची बाट पठाएको स्वाव हराउने, भैरहवाले अन्तै पठाउने जस्ता कृयाकलापले समेत रिर्पोट समयमा आउन सकेका छैन ।
शितगंगा नगरपालिका १४ मा सँगै पिसिआर पठाएका ६ जना मध्ये १ जनाको रिपोर्ट आउने हरुको नआएका कारण रिपोर्ट बाँकी रहेका हरुमा तनाव बढेको छ भने स्थानियहरु र सँगै क्वारेन्टिनमा बस्नेहरु समेत त्रसित बनेको वडा अध्यक्ष दामोदर न्यौपानेले बताए । रिपोर्ट ढिलो आउँदा बिभिन्न घटना हुदाँ समेत स्वावको रिर्पोटमा ठिला सुस्ती गर्नु नहुनेमा प्रयोगशालामा यँहाका स्वावले प्राथमिकता नपाउदा झनै तनाव ग्रस्त हुने गरेका छन् ।
शितगंगा नगरपालिकामा १ सय ९३ जनाको स्वाव संकलन गरि पठाइएकोमा ७६ जनाको मात्र रिर्पोट आएको छ भने रिपोर्ट आउनेहरुको भन्दा पहिलै स्वाव पठाएकाहरुको भने रिपोर्ट आउन सकेको छैन । रिपोर्ट ढिलो हुँदा शितगंगा नगरपालिकामा १ हजार २ सय ३० जना क्वारेन्टिनमा रहेका मध्ये अहिले रहेका ३ सय ५० जना ३५ दिन भन्दा बढी दिन देखि क्वारेन्टिनमा बस्न बाध्य भएका छन ।
