लुदअ विजयनगर, असार २०
कपिलवस्तुको विजयनगर गाउँपालिकामा रहेको डगडई सिँचाई बाँध राति परेको अबिरल वर्षाले बगाउँदा ४ सय किसान चिन्तित भएका छन् । गाउँपालिकाको वडा नं. ३ मा रहेको डगडई सिँचाई बाँधलाई अबिरल वर्षाका कारण बाँधले पानीलाई थेक्न नसक्दा बाँधको पुर्वतिरबाट माटो पटान गरी बनाईएको बाँध भत्काएको छ ।
आर्थिक वर्ष २०७५÷०७६ मा उक्त बाँध सिँचाई आयोजना प्रदेश सरकारको १५ लाखको लगानीमा बनाइएको थियो ।
उक्त सिँचाई आयोजनाबाट ४ सय किसानहरु लाभान्वित हुँदै आएको डगडई सिचाँई बाँध आयोजनाका अध्यक्ष अब्दुल ओहाब मुसलमानले बताएका छन् ।
बाँध भत्किदा भण्डारण गरिएको पानी अन्यन्त्र बगेर जाने भएकोले खेती कसरी गर्ने भन्ने कुराले चिन्तित भएको समाजसेवी देबेंद्र मणि त्रिपाठीले बताए । उनले तत्काल जानकारी पाए लगत्तै सो स्थानमा पुगी त्यहाँको अवस्था बारे जानकारी लिएका थिए । वर्षाको बेलामा भन्दा मंसिरमा गहुँ खेती, उखु खेतीका लागि बढी समस्या हुने स्थानीय अब्दुल मोविन मुसलमानले बताए ।
यता गाउँपालिकाका अध्यक्ष गोपाल बहादुर थापालाई बाँध बारे जानकारी गराउँदा यसरी अविरल वर्षाका कारण ठुलो क्षति भएको चिन्ता व्यक्त गरे । उक्त बाँधलाई अनुगमन गरी मर्मत सम्भारका लागि गाउँपालिकाबाट सक्दो सहयोग गर्ने बताए ।
