लुदअ ६ साउन, बुटवल
भारी वर्षापछि विभिन्न ठाउँमा पहिरो जाँदा प्रदेश ५ मा सिद्धार्थ राजमार्ग र पूर्व–पश्चिम राजमार्ग अवरुद्ध भएका छन् ।
तानसेन नगरपालिका–८ मा पर्ने गौडेपुल नजिकै सोमबार राति पहिरो खस्दा बुटवल–तानसेन सडक खण्ड पूर्णरुपमा अवरुद्ध भएको हो । त्यहाँ दुई हप्तादेखि पहिरो खस्ने र पन्छाउने क्रम चलिरहेको छ ।
सिद्धार्थ राजमार्गकै तिनाउ गाउँपालिका–३, माथिल्लो सिद्धबाबा मन्दिर नजिकै भीरबाट ढुंगाको थुप्रो खस्दा बुटवल–दोभान खण्ड अबरुद्ध भएको जिल्ला प्रहरी कार्यालय पाल्पाका प्रवक्ता डीएसपी मदन गिरीले बताए ।
पूर्व–पश्चिम राजमार्ग अन्तर्गत कपिलवस्तु र दाङको सीमा क्षेत्र धानखोला नजिकै पहिरो जाँदा सडक अवरुद्ध भएको प्रदेश ५ ट्राफिक प्रहरी कार्यालय बुटवलका प्रमुख प्रहरी उपरीक्षक डम्बर विकले जानकारी दिए ।
प्रकाशित : २०७७ श्रावण ६, मंगलवार ०२:२०
