हरि आचार्य कपिलवस्तु, चैत्र १६
विश्व महामारीका रुपमा फैलिरहेको कोरोना भाईरस (कोभिड १९) का कारण सरकारले घोषणा गरेको लकडाउनको समयमा वाणगंगा नगरपालिकाले अति विपन्नलाई एकद्धार प्रणालीबाट सहयोग गर्ने निर्णय गरेको छ । नगरकार्यपालिकाको बैठकले लकडाउनको अवस्थामा गरिव, विपन्न, छाक टार्नै गाह्रो भएका परिवारलाई व्यक्तिगत भन्दा सबै मिलेर एकद्धार प्रणालिबाट सहयोग गर्न सबैलाई अनुरोध गरिएको नगर प्रमुख मंगल प्रसाद थारुले बताए ।
नगरपालिकामा विपद व्यवस्थापनका लागि वितरण गरिने नगद तथा सामाग्रीहरुका लागि ईच्छुक संघ संस्था वा व्यक्तिहरुले नगद नगरपालिकाको राष्ट्रिय वाणिज्य बैंक जितपुर शाखाको खा नं. ३५३००००५८००१ मा जम्मा गर्न र खाद्यान्न लगायत दैनिक उपभोग्य सामाग्री र स्वास्थ्य सम्बन्धि सामाग्रीहरु भने नगरपालिकाको कार्यालय मार्फत सहयोग गर्नका लागि नगरपालिकाले सबैलाई अनुरोध गरेको छ ।
