नेपालमा थप १०८१ जनामा कोरोना पुष्टि भएको छ ।
स्वास्थ्य मन्त्रालयका प्रवक्ता डाक्टर जागेश्वर गौतमले देशभर ३ सय ३८ महिला र ७ सय ४३ पुरुषसहित १ हजार ८१ जना संक्रमित थपिएको जानकारी दिएका छन् । योसँगै नेपालमा कुल संक्रमितको संख्या ४९ हजार २१९ पुगेको छ ।
नेपालमा हाल सक्रिय कोरोना संक्रमितको संख्या १५ हजार २५ रहेको छ ।
त्यस्तै पछिल्लो २४ घण्टामा ९१८ जना डिस्चार्ज भएका छन् । भने अहिलेसम्म ३३ हजार ८८२ जना विभिन्न अस्पतालबाट डिस्चार्ज भएका छन् । नेपालमा कोरोना निको हुने प्रतिशत ६८।८४ रहेको प्रवक्ता गौतमले बताएका छन् ।
पछिल्लो २४ घण्टामा ११ हजार १६७ पिसिआर परिक्षण भएको छ भने नेपालमा अहिलेसम्म कुल पिसिआर ७ लाख ९९ हजार ३१४ पुगेको छ ।
त्यस्तै क्वारेन्टाइनमा ५ हजार ४८० जना रहेका छन् भने संस्थागत आइसोलेसनमा ७ हजार ९८८ जना रहेका छन् । त्यस्तै होम आइसोलेसनमा रहेकाको संख्या ७ हजार ६७ जना रहेका छन् ।
अहिले आइसीयुमा उपचारत संक्रमितको संख्या १६२ जना रहेका छन् भने भेन्टिलेटरमा राखेर उपचारत कुल २२ रहेका छन् ।
थप ६ जनाको मृत्यु
नेपालमा कोरोना भाइरस संक्रमणबाट थप ६ जनाको मृत्यु भएको छ ।
स्वास्थ्य तथा जनसंख्या मन्त्रालयले आज थप ६ जनाको मृत्यु भएको औपचारिक रुपमा पुष्टि गरेको छ ।
पछिल्लो २४ घण्टामा मृत्यु हुनेमा ३ जना महिला र ३ जना पुरुष रहेका छन् ।
मृत्यु हुने महिलामा काठमाडौँकी ८३ बर्षिय, कास्कीकी ७३ बर्षिय र बाँकेकी ८० बर्षिय महिला रहेकी छन् ।
त्यस्तै मृत्यु हुने पुरुषमा काठमाडौँका ६७ बर्षिय पुरुष, अर्घाखाँचीका ४२ बर्षिय पुरुष र नवलपरासीका ६४ पुरुष रहेको स्वास्थ्य मन्त्रालयका प्रवक्ता डा। जागेश्वर गौतमले जानकारी दिएका छन् ।
उपत्यकामा ४६४ संक्रमित थपिए
काठमाडौँ उपत्यकामा आज ४६४ जना कोरोना संक्रमित थपिएका छन् ।
मन्त्रालयका प्रवक्ता डा जागेश्वर गौतमका अनुसार काठमाडौं जिल्लामा ३९४, ललितपुरमा ३४ र भक्तपुरमा ३६ जना संक्रमित भेटिएका छन् ।
बाणगंगामा ६ जनामा संक्रमण
वाणगंगा नगरपालिकामा थप ६ जनामा कोरोना संक्रमण पुष्टि भएको छ । भदौ १७ गते स्वाब संकलन गरिएका मध्ये नगरमा ९ वर्षिया बालक सहित थप ६ जनामा कोरोना संक्रमण देखिएको स्वास्थ्य शाखा प्रमुख ठगराज पाडेलले बताए ।
पौडेलका अनुसार वडा नम्बर १ कि २४ वर्षिय महिला, वडा नम्बर ४ का ३५, १३, २७ बर्षिय महिला र सोही वडाकै ९ बर्षिय बालक र ४२ वर्षिय पुरुषमा संक्रमण पुष्टि भएको हो । नगरमा २६ जना मात्र सक्रिय संक्रमित रहेका छन । यो संगै वाणगंगा नगरपालिकामा कोरोना संक्रमितको संख्या १ सय १३ पुगेको हो ।
आज थपिएका संक्रमित मध्ये वडा नम्बर १ कि महिला समुदाय स्तरकै संक्रमित रहेको र अन्य वडा नम्बर ४ जना भारतबाट आएको वाणगंगा स्वास्थ्य शाखाले जनाएको छ ।