कोरोनाबाट आज थप २२ सहित मृतकको संख्या ११४८ पुग्यो

लुदअ,काठमाडौँ । नेपालमा कोरोना भाइरस संक्रमणबाट थप २२ जनाको मृत्यु भएको छ । स्वास्थ्य तथा जनसंख्या मन्त्रालयले पछिल्लो २४ घण्टामा थप २२ जनाको मृत्यु भएको औपचारिक रुपमा पुष्टि गरेको छ । यो सँगै नेपालमा कोरोनाबाट मृत्यु हुनेको संख्या ११४८ पुगेको छ ।

नेपालमा अहिले कोरोना संक्रमणबाट मृत्यु हुनेको प्रतिशत ०.५७ रहेको मन्त्रालयले जानकारी दिएको छ । आज नेपालमा थप २७३६ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर कुल २७३६ जना संक्रमित थपिएको जानकारी दिएको छ ।

अहिलेसम्म कुल एक लाख ९९ हजार ७६० संक्रमित पुगेका छन् । नेपालमा हाल सक्रिय कोरोना संक्रमितको संख्या ३८ हजार ३५ रहेको छ ।

त्यस्तै पछिल्लो २४ घण्टामा ८५३ जना संक्रमण मुक्त भएका छन् भने अहिलेसम्म एक लाख ६० हजार ५७७ जना संक्रमण मुक्त भएका छन् । नेपालमा कोरोना निको हुने प्रतिशत ८०.३ रहेको मन्त्रालयले जनाएको छ ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *