लुदअ अर्घाखाँची, चैत्र १९
विश्व महाारीको रुपमा फैलिरहेको कोरोना भाइरस (कोभिड १९) को संक्रमण फैलिन नदिनका लागि सरसफाईको महत्वपुर्ण भुमिका रहन्छ त्यस माथि हातको सरसफाईमा विशेष ध्यान दिनुपर्छ ।
सोहि क्रममा अर्घाखाँचीको शितगंगा नगरपालिका वडा नं. १३ ले कोरोना भाइरसबाट बच्न र बचाउनका लागि सरसफाई अन्तर्गत नमुना कार्यक्रम ल्याएको छ । एक पछि अर्को नमुना कार्यक्रमहरु संचालन गर्दै आएको वडाले ‘एक घर एक साबुन’ कार्यक्रम सुरु गरेको छ ।
र्यक्रमको शुभारम्भ संगै वडाले आफ्नो वडाका ६ सय २५ घरधुरीमा साबुन वितरण गरेको छ । साबुन पानीले राम्रोसँग हात धुनुपर्ने सुझाव सहित प्रत्येक घरमा वडा अध्यक्ष दुर्गा बहादुर विसी संगै वडा प्रतिनिधी, स्वास्थ्यकर्मी सहितको टोली पुगेको थियो ।
वडाले वडावासीको स्वास्थ्यमा ध्यान दिदै यस अघि नै वडा कार्यालयले वडा भरीका प्रत्येक घरधुरी सदस्यलाई मास्क वितरण गरिसकेको छ । त्यस्तै वडाअध्यक्ष विसिले कोरोनाबाट बच्न र बचाउन सबै वडावासीलाई आग्रह गरेका छन् ।
