हरि आचार्य कपिलवस्तु, मंसिर १४
पछिल्लो समय जन्म दिनको अवसरमा धेरै साथीहरुलाई निमनबणा गरी फजुल खर्च प्रचलन बढिरहेको छ । जन्म दिन आउनुभन्दा एक हप्ता अगाडिनै साथीहरुलाई निमन्त्रणा गरि होटल तथा रेष्टुरेण्टमा फजुल खर्च नाचगान गरी रमाईलो गर्ने प्रचलन पनि नरहेको होईन । त्यति मात्र होईन जन्म दिनमा केक काट्ने, मैनबत्ती निभाउने जस्ता पश्चिमी प्रचलनले पनि मौलाउदै गएको छ ।
तर कपिलवस्तुको वाणगंगा नगरपालिकाका एक युवाले आफ्नो जन्मोत्सव वालगृहका वालवालिकासंग मनाएका छन् । वाणगंगा नगरपालिका वडा नं. ४ का युवा सागर बन्जाडेले वाल गृह तौलिहवमा रहेका वालवालिकालाई विभिन्न सामग्री दिनुका साथै भोजन गराएर आफ्नो जन्मोत्सव मनाएका हुन् ।
उनले वालवालीकालाई किचन शुज (भान्सामा लगाउने जुत्ता) प्रदान गर्नूका साथै विहानको भोजन पनि गराएका थिए । साथै उनले मनोरञ्जनका लागि विभिन्न खेलकुदका कार्यक्रमहरु पनि सञ्चालन गरेका थिए ।
वालगृहमा रहेका वालवालीकाहरुसंग जन्म दिन मनाउदै बन्जाडेले बाल गृह सबैको साझा रहेकोले सबैको सहयोग भएमा त्यहा रहेका वालवालीकाहरुको स्वास्थ्य, शिक्षा क्षेत्रमा सहयोग पुग्ने बताए । बन्जाडेले अनावश्यक कार्यमा फजुल खर्च गरी जन्म दिन मनाउनु भन्दा सामाजिक कार्य गर्न सबैलाई अनुरोध गरे । बन्जाडेले बालबालिकाको समुज्जवल भविष्यको कामना गर्दै आगामि दिनमा पनि यस्ता कार्य गर्ने प्रतिवद्धता व्यक्त गरे ।
नेपाल बाल संगठन जिल्ला कार्य समिती कपिलवस्तुका अध्यक्ष गोपाल मणि ज्ञवालीले जन्म दिनको अवसरमा शुभकामना व्यक्त गर्दै सबै युवाहरुले जन्म दिनमा बिना अर्थ खर्च गर्नु भन्दा सामाजिक काममा यसै गरि उदाहरणिय कार्य गरे समाजमा सकारात्मक प्रभाव पर्ने बताए । उनले यस्ता कार्यले अन्य युवाहरुलाई उत्प्रेरणा मिल्ने बताए ।
त्यसैगरी हेल्प फर हेप्पिनेस कपिलवस्तुका सक्रिय युवा समाजसेवी मधु सुदन भुषालले शुभकामना व्यक्त गर्दै यस्तो काम सबै युवाले गर्नुपर्ने संगै आफुले पनि यस्तै कामलाई निरन्तरता दिने बताए । यस्तै उनको जन्मदिनमा बाल गृह कपिलवस्तु कार्य समिती सदस्य श्याम प्रसाद सुवेदी, बाल गृह जिल्ला कार्य समिती सदस्य सन्तोष कुमार श्रीवास्तव, बाल गृह प्रमुख राम प्रसाद अर्याल, श्रीङ्गिघाट सामुदायिक वनका अध्यक्ष रेनु सेन, स्वतन्त्र विद्यार्थी युनियन सिद्वार्थ क्याम्पस सचिव दिनेश चौधरी, लियो क्लब अफ कपिलवस्तुका अध्यक्ष मदन पौडेल, पवित्रा भुषाल, प्रविन गौतम, विनोद घिमिरे, सुशान्त पोख्रेल, माधव आचार्य, विजय पाण्डेको उपस्थिति रहेको कार्यक्रम सरोज घिमिरेले संचालनमा सम्पन्न भएको थियो ।
