थानेश्वर अधिकारी, २० चैत बिहीबार, २०७६ ,कपिलवस्तु ।
अहिले विश्व नै कोरोना भाइरस (कोभिड–१९) का कारण कोरोनाको कहरबाट गुज्रिरहेको अवस्थामा सबै क्षेत्र आक्रान्त भइ देशमा लकडाउन भएको बेला रगको अभाव हुन नदिन आज भरतपोखरी बिकास मन्चको आयोजना र पोखरा महानगरपालिका वडा नं ३३ को समन्वयमा घुम्ती शिविर सन्चालन गरी रक्तदान बाट १०७ युनिट रगत संकलन भएको छ ।
रक्त दान जीवन दान भन्ने मुल नाराका साथ आज ६३ औ विश्व सहकारी दिवशको अवसर पारेर सो कार्यक्रम गरिएको हो । लकडाउनका कारण रगतको अभाव भैरहेका अवस्थालाई परि पूर्ति गर्न सो कार्यक्रम आयोजना गरिएको छ । रेडक्रस सोसाइटी कास्की शाखाले रगत संकलनका लागि हालै पोखरामा भित्रयाएको अत्याधुनिक उपकरणमैत्री बसको प्रयोग गरी पोखरा महानगरपालिका वडा नं ३३ भरतपोखरीका कालिकास्थान, महाकाली चोक, पानी टंकी, बसपार्क, उपल्लो पुडिटार, जीब्रे ढुङ्गा, शान्ति उदय, भगवती चौतारा, ठूलढुङ्गा र पोखरा २१ को द्वारमा बस मार्फत रक्तदान गरिएको मञ्चका अध्यक्ष डिल्लीराम बरालले जानकारी दिए ।
एक पटकमा तीन जनासम्मले रक्तदान गर्न सकिने बस भित्र रक्तदान शैया फ्रिज, प्राथमिक उपचार सामग्री सहितको बक्स, स्टाफ नर्स र अक्सिजनको व्यवस्था एवम् रक्त सञ्चारसम्बन्धी सूचनामूलक सामग्री रहेका र बस भित्रै रक्तदान गर्न सकिने भएकोले लकडाउनका समयमा यो प्रभावकारी रहेको छ । कार्यक्रममा पोखरा महानगरपालिका वार्ड नं ३३ का वडाध्यक्ष शिव प्रसाद आचार्य, वडा सदस्य दिपक लामीछाने, रक्त सञ्चार केन्द्र पोखराका कार्यालय प्रमुख अर्जुन ज्ञवाली, बागमारा बहुउद्धेश्यीय बचत तथा ऋण सहकारी संस्थाका सचिव नन्दलाल काफ्ले लगायतको उपस्थिति रहेको आयोजकले जनाएको छ ।
