पार्बती आचार्य कपिलबस्तु, मंसिर १८

२९ औ अन्तराष्ट्रिय अपाङ्गता दिवसको अवसरमा अपाङ्गता भएका व्यक्तिको हक अधिकार सम्बन्धी १ दिने कानुनी अभिमुखीकरण कार्यक्रम सम्पन्न भएको छ । सामाजिक विकास मन्त्रालय सामाजिक बिकास डिभिजन कार्यालय गजेहडा कपिलबस्तुको सहयोग तथा अपाङ्ग उत्थान समाज कपिलबस्तुको समन्वय र बाणगंगा नगरपालिकाको आयोजनामा कार्यक्रम अपाङ्ग उत्थानको सभाहलमा सम्पन्न भएको हो ।

कार्यक्रममा नगरपालिकाका उपप्रमुख चक्रपाणी अर्यालले अपाङ्गता भएका व्यक्तिको गुनासो लाई नगरले सम्बोधन गर्दै अगाडी बढ्ने बताएका छन् । अपाङ्गता भएका ब्यक्तीकोमाग अनुसार अपाङ्गता परिचपत्र वितरण गर्दै आईरहेको बताउदै सहायक सामाग्री नभएका अपाङ्गता व्यक्तिहरुलाई वडा तथा नगरमा सम्पर्क गर्न समेत आग्रह गरे । उनले अपाङ्गता बालबालिकाहरुलाई माध्यमिक तहसम्मको शिक्षाबाट कोहि पनि बन्चित हुन नदिने प्रतिबद्धता व्यक्त गरे ।

यसैगरि सामाजिक विकास डिभिजन कार्यालय गजेहडाका प्रमुख नरेन्द्र बेल्बासेले अपाङ्गता भएका ब्यक्तीहरुको हक अधिकारका लागि सबै मिलेर उनिहरुको आत्म मनोबललाई बृद्धि गर्नुका साथै भाबनालाई बुझेर सचेतनामूलक कार्यक्रमहरु सञ्चालन गर्न आबश्यक भएको बताए ।

यस्तै नगरपालिकाका प्रमुख प्रशासकिय अधिकृत गेहेन्द्र बहादुर डाँगीले व्यक्तिहरुमा क्षमता अनुसार अपाङ्गता र सपाङ्गताको भिन्नता छुट्याउन सकिने बताए । उनले कार्यक्रमले उपलब्धी हासिल गर्न फरक क्षमता भएकाहरुको समस्या बुझ्न सकेमा मात्र सफलता प्राप्त गर्न सक्ने बताए ।

वडा नं. १ का वडा अध्यक्ष एबं महिला तथा बालबालिका संयोजक बालकुमारी पन्त अधिकारीले वडा न. १ मा अपाङ्गता अर्थात फरक क्षमता भएका ब्यक्तीहरुलाइ सहज होस भन्ने उद्देश्यले अपाङ्गमैत्री सडक निर्माण गरिएको बताइन् । उनले वडाबाट हुने सहयोगमा सदैब सकारात्मक रहेको प्रतिबद्धता ब्यक्त गरिन् ।

कार्यक्रममा नागरिक समाज कपिलबस्तुका अध्यक्ष डोलक बहादुर पछाइ, महिला अधिकारकर्मी इन्दिरा भट्टराई , संचारिका समूहका लुम्बिनी प्रदेश संयोजक पार्बती पाण्डे , ईन्सेक कपिलबस्तु प्रतिनिधि पार्बती आचार्य लगाएतले अपाङ्गता भएका ब्यक्तीहरुले आफ्नो हकअधिकार खोज्नकालागि आफूहरु सचेत हुनुपर्ने बताएका छन् । १६ दिने अभियानमा एकदिन मात्र दिबस मनाएर हिंसालाई न्यूनिकरण गर्न सकिदैन अभियानलाई निरन्तरता दिनसके हिंसालाई न्यूनिकरण गर्न सकिने बक्ताहरुले बताएका छन् ।

यसैगरि टिका पोखरेलले अपाङ्गता भएका ब्यक्तीहरुलाई सबैले सहयोग गर्नुपर्ने बताईन् । अपांगलाई पर्दै आएका समस्या समाधानमा स्थानीय तह लाग्नुपर्ने बताइन् । उनले समयमै विभिन्न सामग्रीहरु उपलब्ध गर्न नसक्दा समस्या भएको समेत स्पष्ट पारिन ।

अपाङ्ग उत्थान समाजका संस्थापक सचिव देवि बहादुर पोखरेलले अपाङ्गता भएका ब्यक्तिहरुको हक, अधिकार तथा कानुन सम्बन्धी सम्बन्धि र महिला तथा बालबालिका शाखा प्रमुख शुसिला पन्तले लिङ्ग लैंगिकता र लैंगिक हिंसा , अपाङ्गता परिचयपत्र प्रणाली लगाएतको बिषयमा सहजीकरण गरेका थिए । कार्यक्रममा अपांगता भएका व्यक्तिहरुका लागि १० जनालाई सेतो छडी र ५ जनालाई बैशाखी बितरण गरिएको थियो । फरक क्षमता भएका व्यक्तिहरुको उल्लेख्य सहभागिता रहेको कार्यक्रममा नगरपालिकाका प्रमुख , वडा नं ४ का वडा सदस्य , शिक्षा शखा प्रमुख , कर्मचारी, संचारकर्मी लगायतको सहभागीता रहेको थियो ।

सो कार्यक्रमको अपाङ्गता भएका ब्यक्तीको हकहित संरक्षण समन्वय समितीका संयोजक नगर उपप्रमुख चक्रपाणी अर्यालको अध्यक्षता , अपाङ्ग उत्थान समाज कपिलबस्तुका अध्यक्ष कमल ढुंगानाको स्वागत तथा सहायक महिला बिकास निरिक्षक हरिना गाहाको संचालनमा कार्यक्रम सम्पन्न भएको थियो ।