हरि आचार्य कपिलवस्तु, चैत्र २१
विश्व महामारीका रुपमा फैलिरहेको कोरोना भाईरस (कोभिड १९) का कारण सरकारले घोषणा गरेको लकडाउनको समयमा वाणगंगा नगरपालिकाले अति विपन्नलाई एकद्धार प्रणालीबाट सहयोग गर्ने निर्णय गरेसंगै सहयोग रकम जम्मा भईरहेको छ । नगरपालिकाले सञ्चालन गरेको दैवि प्रकोप कोष खातामा अहिले सम्म श्रृङ्गीघाट सामुदायिक वन उपभोक्ता समिति ले रु ५ लाख, नव जागृती सामुदायिक वन उपभोक्ता समितिले रु १ लाख २५ हजार, कपिलवस्तु नेवार समाज नेपाल वाणगंगाले रु २० हजार १ सय ७०, जनमैत्री कृषि सहकारी लिमिटेडले रु २० हजार, सामुदायिक अपाङ्गता बचत तथा ऋण सहकारी संस्थाले रु १५ हजार, अपाङ्ग उत्थान समाज कपिलवस्तुले रु १५ हजार, एभरग्रिन बोर्डिङ्ग स्कूलले रु १० हजार जम्मा गरेका छन् । भने विभिन्न संघ सस्ंथा तथा व्यक्तिहरुले सहयोग गर्ने उद्घोष गरेको नगर प्रवक्ता विष्णु पौडेलले जानकारी दिएका छन् ।

नगरले लकडाउनको अवस्थामा गरिव, विपन्न, छाक टार्नै गाह्रो भएका परिवारलाई व्यक्तिगत भन्दा सबै मिलेर एकद्धार प्रणालिबाट सहयोग गर्न सबैलाई अनुरोध गरिएको राहत वितरण नगर समितिका संयोजक उपमेयर चक्रपाणि अर्यालले बताए । नगरपालिकामा विपद व्यवस्थापनका लागि वितरण गरिने नगद तथा सामाग्रीहरुका लागि ईच्छुक संघ संस्था वा व्यक्तिहरुले नगद नगरपालिकाको राष्ट्रिय वाणिज्य बैंक जितपुर शाखाको खाता नं. ३५३००००५८००१ मा जम्मा गर्न र खाद्यान्न लगायत दैनिक उपभोग्य सामाग्री र स्वास्थ्य सम्बन्धि सामाग्रीहरु भने नगरपालिकाको कार्यालय मार्फत सहयोग गर्नका लागि नगरपालिकाले सबैलाई अनुरोध गरेको छ ।

टेण्डर आह्वान

गरिव तथा विपन्नहरुलाई राहत स्वरुप प्रदान गरिने खाद्यान्न तथा दैनिक उपभोग्य बस्तुहरुको खरिदका लागि नगरपालिकाले टेण्डर आह्वान गरेको छ । ईच्छुक व्यवसायीहरुले सम्पुर्ण सुचक पुरा गरि आफुले उपलब्ध गराउने दर रेट सहित यहि चैत्र २३ गते भित्र विवरण पठाउनका लागि सुचना प्रकाशन गरिएको प्रमुख प्रशासकिय अधिकृत चुरामणि पन्थीले जानकारी दिएका छन् ।