कपिलवस्तु टग अफ वार एशोसियसनको प्रथम अधिवेशन सम्पन्न, अध्यक्षमा बेल्बासे

[sharethis-inline-buttons]

हरि आचार्य कपिलवस्तु, पुष ४

कपिलवस्तु टग अफ वार एशोसियसनको नयाँ कार्यसमिति चयन गरिएको छ । बुद्धभूमि नगरपालिका गोरुसिंगे स्थित मायाज होटलमा सम्पन्न प्रथम अधिवेशनबाट एशोसियसन पुर्न गठन गरिएको हो । जसअनुसार मिनराज बेल्बासेको अध्यक्षमा १७ सदस्यीय नयाँ कार्य समिति चयन भएको छ । जसको उपाध्यक्षमा खोम बहादुर थापा, सचिवमा दामोदर खनाल, कोषाध्यक्षमा चन्द्रिका अर्याल चयन भएका छन् ।

त्यस्तै सदस्यहरुमा सुरज थापा, आशिष भण्डारी, देवराज चौधरी, शिवराज सुवेदी, अरुणेन्द्रमणि त्रिपाठी, गंगा सागर चौधरी, यम बहादुर बोहोरा, राम प्रसाद चौधरी, केवशराज गैरे, कृष्ण प्रसाद भट्राई, दिपक कुमार पाण्डे, देवीका श्रीस रहेका छन् ।

कार्यक्रमका प्रमुख अतिथि बुद्धभूमि नगरपालिकाका मेयर केशव कुमार श्रेष्ठले यस एशोसियसनको नयाँ कार्य समितिलाई शुभकामना दिंदै विभिन्न खेलकुद कार्यक्रमको आयोजना गरी स्थानीय खेलाडीहरुलाई राष्ट्रिय स्तरका प्रतियोगिताहरुमा सहभागि गराउन अहम भुमिका खेलेको बताए । उनले विगतमा जस्तै आगामि दिनमा पनि नगरपालिकाबाट सक्दो सहयोग गर्ने प्रतिवद्धता जनाए ।

त्यस्तै विशिष्ट अतिथि जिल्ला खेलकुद विकास समितिका कार्यालय प्रमुख मिन प्रसाद पोख्रेलले आगामि दिनमा राष्ट्रिय स्तरको टग अफ वार च्याम्पियनशिपको आयोजना कपिलवस्तुमा गर्ने बताए । निर्वाचन मण्डलका संयोजक समेत रहेका पोख्रेलले जिल्लाका सबै संघहरुको सहयोग र समन्वयबाट जिल्लाको खेलस्तरको विकास हुने बताउदै नयाँ कार्यसमितिलाई सफल कार्यकालको शुभकामना व्यक्त गरे ।

कार्यक्रममा वडा नं. ४ का वडाध्यक्ष तथा नगर प्रवक्ता पवन चौधरी, वडा नं. २ का वडाध्यक्ष भेषराज खनाल, प्याब्सनका जिल्ला अध्यक्ष शिव गैरे, जिल्ला फुटवल संघका अध्यक्ष तिलक थापा, ब्याडमिन्टन संघका अध्यक्ष दिनेश हमाल, कराते संघका अध्यक्ष रामु सुनार, कपिलवस्तु योगा खेलकुद संघका अध्यक्ष डा. दिपक पन्थी, ब्याडमिन्टन सहायक प्रशिक्षक राजेश शाक्य लगायतले शुभकामना मन्तब्य दिएका थिए ।


प्रकाशित : २०७७ पुष ४, शनिबार १२:४६