लुदअ कपिलवस्तु, पुष ७
सत्तारुढ दल नेपाल कम्युनिष्ट पाटी (नेकपा) को विद्यार्थी संगठन अखिल नेपाल स्वतन्त्र विद्यार्थी युनियन (अनेरास्ववियू) का केन्द्रिय सदस्य टुकलाल गैरेले विगतका कुरा बिर्सेर एकताबद्ध भएर चुनावमा जान आग्रह गरेका छन् ।
प्रधानमन्त्रीको सिफारिसमा राष्ट्रपति विद्यादेवी भण्डारीले नेपालको संविधानको धारा ७६ को उपधारा (१) र (७) तथा धारा ८५ एवं संसदीय प्रणालीको आधारभूत मर्म एवं मूल्य, मान्यताबमोजिम संसद् विघटन स्वीकृत गरिएको भन्दै विद्यार्थीहरुलाई विरोध भन्दा प्रतिनिधि सभाको निर्वाचनको तयारी गर्न आग्रह गरेका हुन् ।
‘हाम्रो आफ्नै र संसदीय प्रणाली भएका विभिन्न देशको अभ्यासबमोजिम सङ्घीय संसद्को वर्तमान प्रतिनिधि सभा विघटन गरी ताजा जनादेशका लागि नेपाली नागरिक समक्ष जान मिति २०७८ वैशाख १७ र २७ गते तोकिएको प्रतिनिधि सभाको चुनावमा जानुको विकल्प नभएको भन्दै अनेरास्ववियू केन्द्रिय सदस्य गैरेले चुनावको तयारीमा लाग्न आह्वान गरे ।
सोहि प्रसंगमा केन्द्रिय सदस्य गैरेले आफूलाई कामै गर्न नदिएपछि प्रधानमन्त्री केपी शर्मा ओलीले बाध्य भएर संसद् विघटन गर्नुभएको बताए ।
गैरले आफ्नै पार्टीका केही नेताको सत्ता लोभको कारण सरकार र पार्टीलाई बन्दी बनाउने काम भएको परिणाम स्वरूप प्रधानमन्त्रीले नयाँ कदम चालेको बताए ।
