हरि आचार्य कपिलवस्तु, चैत्र २५
विश्वभर महामारीको रुपमा फैलिएको कोरोना भाईरस (कोभिड १९) को संक्रमण फैलन नदिनका सरकारले लकडाउन घोषणा गरेसंगै राहत प्रदानका लागि कपिलवस्तुको वाणगंगा नगरपालिकाले गरेको दैवी प्रकोप कोष स्थापना गरेको छ । सोहि कोषमा नगद, खाद्यान्न तथा स्वास्थ्य सामग्री सहयोग गर्नेको क्रम बढिरहेको छ । नगरपालिकाले एकद्धार प्रणाली मार्फत राहत प्रदान निर्णय गरेसंगै नगर उप–प्रमुख चक्रपाणि अर्यालको संयोजकत्वमा राहत वितरण समिति गठन गरेको छ । सोहि क्रममा विभिन्न जनचेतनामुलक कार्यक्रम गर्दै सामाजिक काममा अग्रसर लायन्स क्लव अफ कपिलवस्तुले उक्त कोषमा स्वास्थ्य सामग्री प्रदान गरेको छ ।
क्लवले रु ९ हजार मुल्य बराबरका ५ सय थान मास्क (मुखावरण) र रु १६ हजार ४ सय मुल्य बराबरका ५ सय ७६ थान नुहाउने साबुन गरि २५ हजार ४ सय बराबरका स्वास्थ्य सामग्रीहरु हस्तान्त्रण गरिएको क्लवका अध्यक्ष कुमार खड्काले जानकारी दिए । क्लवले यस महाविपत्तिको घडीमा सम्भावित अपराधिक घट्ना प्रति सचेत रहन सम्पुर्ण देशवासीमा ध्यानाकर्षण गर्दै शिघ्र कोरोना मुक्त विश्वको कामना गर्दै लकडाउनको समयमा हतोत्साईत नभई सतर्कता अपनाउन आग्रह गरेको छ ।
हस्तान्त्रण कार्यक्रममा क्लवका अध्यक्ष कुमार खड्का, संस्थापक अध्यक्ष कृष्ण केसी, प्रथम उपाध्यक्ष सुरेन्द्र घिमिरे, तृतीय उपाध्यक्ष केशव सापकोटा, सचिव राम बहादुर पौडेल क्षेत्री, कोषाध्यक्ष राम सुभागे थारु, सदस्य दामोदर पन्थी लगायत अन्य सदस्यहरुको उपस्थिती रहेको थियो ।
यस अघि क्लवले कोरोना संक्रमण के हो ? लक्षण वा बच्ने उपायहरुको बारेमा वाणगंगा नगरपालिकामै पहिलो पटक जनचेतनामुलक कार्यक्रम गरेको थियो । वाणगंगा नगरपालिका भित्र नागरिकहरुलाई सचेतनामुलक पर्चा पम्प्लेट वितरण गरि परामर्श गर्दै सचेत बनाउने कार्य गरिएको क्लवका द्धितीय उपाध्यक्ष धातानन्द भुसालले बताएका छन् ।
