हरि आचार्य कपिलवस्तु, चैत्र २५
‘तिमीले हरेक दिन जन्मदिन जसरी बाँच्नुपर्छ’ प्यारिस हिल्टनको यो भनाइभन्दा विपरीत तरिकाले जन्मदिन मनाउने चलन बढ्दो छ हिजोआज हाम्रा सहरबजार र गाउँघरमा। आर्थिक रूपमा सम्पन्न परिवारले मात्र होइन, जन्म दिन सामान्य परिवारले पनि मनाउन थालेका छन्। बालबालिका, युवा र ज्येष्ठ नागरिकको पनि जन्म दिन मनाउने चलन छ। धेरैजसो बालबालिकालाई जन्म दिन मनाउन खुब रहर लाग्छ। उनीहरू त जन्म दिनमा छरछिमेक र स्कुलका साथीहरूलाई चकलेट बाँड्छन् ।

आजका युवाहरूको जन्म दिन मनाउने तरिका भने अलिक फरक छ। साथीभाइहरूलाई निमन्त्रणा गर्ने। सबैजना वरिपरि बस्ने, केक ल्याउने, केकवरिपरि मैनबत्ती बाल्ने, निभाउन लगाउने अनि सबैले ‘ह्याप्पी बर्थ डे टु यु’ भन्ने। निमन्त्रितहरूलाई केक खुवाउने। निम्ता स्वीकार गरेर जोजो आउँछन्, उनीहरूले दिएको उपहार लिने र उनीहरूलाई पार्टी दिने। पार्टीमा माछा, मासु, बियर, ह्विस्की खाने र टोल नै थर्किने गरी नाचगान गर्ने। यो जन्म दिन मनाउने कुनै नयाँ परम्परा होइन, विकृति हो।

तर कपिलवस्तुका एक पत्रकारले अलि पृथक तरिकाले जन्मोत्सव मनाएका छन् । उनले आफ्नो जन्मोत्सव गरिव, विपन्नसंग मनाएका छन् । जन्मदिनको अवसर पारेर नेपाल पत्रकार महासँघ जिल्ला शाखा कपिलवस्तुका सह सचिव, तथा लुम्बिनी दर्पण राष्ट्रिय साप्ताहिकका प्रकाशक तथा लुम्बिनी दर्पण अनलाईनका प्रधान सम्पादक मोहन बेल्वासेले अति विपन्न परिवारमा राहत वितरण गरेका छन् । विश्व मकामारीको रुपमा फैलिएको कोरोना भाईरसका कारण सरकारले लक डाउन घोषण गरेसंगै मागि खाने वर्गका अति विपन्न २ घर परिवारमा राहत वितरण गरी उदाहरणिय कार्य गरेका हुन् ।

बाणगंगा नगरपालिकाको वडा नं ६ मा १५ वर्ष देखि रुखमुनी साहरा लिएर बस्दै आएकी करिव ३८ वर्षिया ज्ञानी थरुनी र सुकम्बासी बस्तीका बयोवृद्ध तेज बहादुर दमैको परिवारलाई चामल, चिउरा, भुजा तेल, सावुन, नुन, तरकारी लागाएतका सामग्री वितरण गरि उनीहरुको घाउमा मलम लगाएका छन् । रुख मुनी वस्दै आएकी ज्ञानी थरुनी सुस्त मनस्थितिकी महिला हुन् उनी गाउमाँ एउटा ठुलो रुखमुनी सानो त्रिपालको झुपडीमा बस्दै आएकी र गाउँघर नजिकका पसलमा मागेर जिवन निर्वाह गर्दै आएकी थिईन् ।

लक डाउन र कोरोनाका कारण घरमा आउन बन्देज र पसल समेत बन्द भएको अवस्थामा उनी २ दिन देखि भोकै जिवन निर्वाह गरेको स्थानियले बताएका थिए । उता वृद्ध दमै परिवारमा समेत साहरा कोही नभएको र विहान साँझ छाक टार्न समेत खाद्यान्न नभएको केहि समय अधि थाहा पाएपछी राहत वितरण गरेको बेल्वासेले बताए ।

बेल्वासेले जन्मदिन अव दिन दुःखिका क्षेत्रमा वा वृक्षरोण गरेर मनाउनुपर्ने बताए । यी दुई स्थानमा राज्य वा स्थानिय जन प्रतिनिधिहरुको पहुँच पुग्नुपर्ने उनले बताए । बेल्वासेले आगामी दिनमा अन्य दिन दुःखि हरुलाई समेत सहयोग गर्ने बताए ।