लुदअ,चैत २८, काठमाण्डौ ।
राष्ट्रिय संगीतकर्मी संघ द्धारा कोरोना भाइरस ( कोभिड –१९) को कारण देश लक डाउनको अवस्थामा रहेको बेला दैनिक काम गर्न नपाएका कारण दुःख र समस्यामा परेका कलाकारहरुलाई खाद्यान्न लगायतका सामग्री बितरण गर्ने कामलाई आज एघारौ दिन सम्म पनि निरन्तरता दिएको छ ।
शुरुका दिन देखी आज सम्म आइपुग्दा करिव २५० जनालाई राहत बितरण गरेको छ । राष्ट्रिय संगीतकर्मी संघले आज एघारौं दिनमा पुग्दा कलाकर्मी, अपाङ्ग , भिन्न क्षमता भएका र समस्यामा परेका २५० जनालाई राहत बितरण गरेको बताइएको छ । मेरी बास्यैका हास्य कलाकार इकुको स्नेहा बाल गृहमा समेत राहत बितरण गरेको सस्थाले सबै बिधाका कलाकार लाई समेत राहत बितरण गरेको संस्थाका महासचिव बिक्रम जंग शाहले जानकारी दिएका छन् । यसै क्रममा आजको राहत बितरण कार्यक्रममा पहिलो टोलीमा केन्द्रीय अध्यक्ष राजेन्द्र कुमार कार्की ,सचिबालय सदस्य राज कुमार हुमागाइ लगाएत रहेका थिए भने दोस्रो टोलीमा संस्थाका महासचिव तथा बिपद ब्यबस्थापन समितीका सम्योजक बिक्रम जङ शाह, केन्द्रीय सदस्य सिर्जु अधिकारी र तेस्रो टोलिमा उपाध्यक्ष अमृत खाती , महिला उपाध्यक्ष उमा श्रेष्ठ, सुमि श्रेष्ठ लगाएत रहेका थिए ।
हरेक मानबिय कार्य र कलाकारलाई पिर मर्का पर्दा अग्र भागमा रहेर लागि पर्ने यो सस्थाले कोरोना भाइरसको कारण विश्व नै आक्रान्त भैरहेको अबस्था संगै बिगत १८ दिन देखि लक डाउनमा बिपतमा परेकालाइ राहत बितरण गरेर मलम पट्टि लगाउने काम गरेको छ। आज सस्थाले बानेश्वर ,चाबहिल, माकलबारी, शिबचोक ,नक्साल, कलन्की, अनामनगर, गङगबु ,मनमैजु, धर्मस्थली भक्तपुर लगाएतको भेगमा राहत बितरण गरेको छ। संघको पहलमा केन्द्र आजिबन सदस्य सस्थाका पदाधिकारी मार्फत जुटाइएको सहयोग मार्फत यो राहत बितरण गरिएको छ। संस्थाले जिल्ला, प्रदेश र केन्द्रिय समितिको सिफारिसमा काठमाडौमा रहेका कलाकर्मीलाई यो राहत बितरण गरिएको संघका केन्द्रिय अध्यक्ष राजेन्द्र कुमार कार्कीलेले जानकारी दिए ।
