अराज बेल्बास, अर्घाखाँची, चैत २९

अर्घाखाँचीको शितगंगा नगरपालिकामा राहत बितरण सुरु भएको छ । कोरोनाको संक्रमण फैलिन नदिन गरेकोे लकडाउनको समयमा दौनिक ज्यालादारी गरि खानेहरु तथा अति विपन्नहरुलाई नगरपालिकाले राहत बितरण सुरु गरेको प्रमुख प्रशासकिय अधिकृत अर्जुन गौतमले जानकारी दिए । राहत सामाग्री खरिद, बितरण तथा अनुगमन समिती संयोजक टीका रेस्मी नगर पालिका प्रमुख सुर्य प्रसाद अधिकारी वडा अध्यक्षहरुको समुहले शनिवार वडा नम्बर २, ३, ४ र १३ मा राहत बितरण गरेको हो ।

राहत बितरण कार्यक्रममा नेपाली सेना तथा नेपाल प्रहरीले ब्यवस्थापनको भुमिका खेलेका छन । भिडभाड कम गर्ने तथा राहत बितरण भिड रहित बनाउन सेना तथा प्रहरी परिचालित भएका हुन । यस्तै नगरपालिकाका उपप्रमुख तथा राहत सामाग्री खरिद, बितरण तथा अनुगमन समिती संयोजक रेस्मीले सरकारले तोकेको मापडण्ड अनुसार राहत बितरण गरेको बताए । नगरपालिकाको शनिवार वडा नम्बर २,३ , ४ र १३ मा मा राहत बितरण गरेको छ भने भोली आइतबार ५,६,८ र ९ नम्बर वडामा राहत बितरण गरिने बताईएको छ ।