नेविसंघ क्षेत्र नं.१, तरुण दल कपिलवस्तु र स्थानीयद्धारा ३५ मजदुरको उद्धार

हरि आचार्य कपिलवस्तु, बैशाख १०
विश्व महामारीको रुपमा फैलिएको कोरोना भाईरस (कोभिड १९) को संक्रमण फैलहन नदिन सरकारले लकडाउन घोषणा गरेसंगै रोजगारका लागि घर छोडि टाढा भएका मजदुरहरुको अवस्था दयनिय बनेको छ । गाडीमा २ दिन लाग्ने बाटोमा हिंडेरै भएपनि घर जान विभिन्न जिल्लाबाट प्रस्थान गर्ने मजदुरहरुलाई यतिवेला बाटोमा प्रहरीले दुःख दिने जस्ता कार्यहरु भएका छन् । सरकारले हिड्दै घर जना लागेकालाई निःशुल्क रुपमा खाना खुवाएर गन्तब्य सम्म पु¥याउन भनेपनि कैंयौ मजदुरहरुको अवस्था दर्दनाक छ ।

सोहि क्रममा लकडाउनको एक महिना पुग्दा कम्पनिले खर्च नदिए पछि भोकभाकै पैदल हिड्न बाध्य भई विभिन्न जिल्लाबाट दुःख कष्ट सहदै कपिलवस्तुमा आएका मजदुरहरुलाई नेपाल विद्यार्थी संघ (नेविसंघ) क्षेत्र नं. १, नेपाल तरुण दल कपिलवस्तु र स्थानीयहरुको सक्रियतामा उद्धार गरिएको छ । बुधवार बिहान चार नम्बर जितपुर चोकमा विभिन्न जिल्ला काठमाडौ, काभ्रेबाट पश्चिमका जिल्लाहरु दाङ, कैलाली जिल्ला सम्म पुग्नका लागि पैदल तथा साइकलमा आएका ३५ जना मजदुरहरुको उद्धार गरिएको नेविसंघ क्षेत्रीय सभापति चन्द्रकान्त पोख्रेलले जानकारी दिए । उनीहरुलाई खाना खुवाएर गन्तब्य सम्म पुग्नका लागि यातायातको समेत व्यबस्था गरि सफलता पुर्वक पठाईएको तरुण दल जिल्ला सभापति शक्ति सिं. ठकुरीले बताए ।

सोहि क्रममा नेविसंघ क्षेत्रीय सभापति चन्द्रकान्त पोख्रेल र तरुणदल जिल्ला सभापति शक्ति सिं. ठकुरीले लकडाउन पछि मजदुरहरुको व्यबस्थापन सरकारले नगरेकाले उनीहरुको दुःख हेर्न नसकेर नेविसंघ र तरुण दलले उद्धार गरेको बताए । मजदुरहरुले सरकारले नगरेको काम गरेको भन्दै सहयोग गर्ने सबैलाई धन्यवाद सहित खुसी व्यक्त गरेका थिए ।

नेविसंघका क्षेत्रीय सभापति पोख्रेल, दिनेश क्षेत्री, तरुण दलका जिल्ला सभापति शक्ति सिंह ठकुरी, तिलक थापा, गोबिन्द आचार्य, पवन थापा,प्रतिनिधि सभा सांसद अतहर कमाल मुसलमान, स्थानीय समाजसेवी मदन ढुङ्गाना, कृष्ण चालिसे, केशव अधिकारि लगायतको रोहवरमा मजदुरहरुको उद्धार गरिएको हो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *