बैशाख २७, काठमाण्डौ
चीनबाट अक्सिजनका खाली सिलिण्डरसहित स्वास्थ्य सामग्री ल्याउन नेपाल वायु सेवा निगमको वाइडबडी विमान आज चीन जाँदै छ ।

आज राति साढे ११ बजे नेपालबाट बेइजिङ प्रस्थान गर्ने र स्वास्थ्य सामग्री लिएर भोलि विमान स्वदेश फर्किने विमानस्थल कार्यालयले जनाएको छ । पहिलो चरणमा ४ सय थान अक्सिजन सिलिण्डर र १० थान भेन्टिलेटरसहित स्वास्थ्य सामग्री नेपाल ल्याउने तयारी भएको छ ।

२० हजार खाली सिलिण्डरमध्ये पहिलो चरणमा चार सय खाली सिलिण्डर ल्याउने तयारी भएको हो । बीस हजार सिलिण्डरमध्ये दुई हजार विमानबाट र १८ हजार सडकमार्ग हुँदै नेपाल ल्याइने छ । नेपाल सरकारको अनुरोधमा चीनले २० हजार खाली सिलिण्डर निःशुल्क पठाउन लागेको हो ।