अहीले सबै मिलेर कोराना बिरुद्ध लडनु पर्ने होइन र -प्रधानमन्त्री ओली

[sharethis-inline-buttons]

२७ वैशाख, काठमाडौं ।

प्रधानमन्त्री केपी शर्मा ओलीले पछिल्ला गतिविधि, चिन्तन, प्रयास र ध्यानहरू जे कुरामा केन्द्रित हुनुपर्ने थियो त्यसो हुन नसकेको बताउनुभएको छ । प्रतिनिधि सभामा बोल्दै प्रधानमन्त्री ओलीले कोरोना भाइरसको सङ्क्रमणविरुद्ध एकताबद्ध भएर लड्नुपर्ने समयमा ध्यान अन्तै मोड्न कामहरू भइरहेको बताउनुभयो ।

प्रधानमन्त्री र सरकारमाथि हिलो छ्याप्ने काम भइरहेको भन्दै उहाँले नभएका कनेक्शन अनैतिक ढङ्गले देखाउने खालका क्रियाकलाप भइरहेको बताउनुभयो । यस्तै उहाँले कोरोनाविरुद्ध एकजुट भएर लड्नुपर्ने अहिलेको आवश्यकता रहेको भए पनि कसरी हुन्छ सरकारलाई असफल बनाउने खेल सुरु भएको बताउनुभयो ।

एउटा पनि पीसीआर परीक्षण गर्ने क्षमता नभएको नेपालमा ८६ ठाउँमा पीसीआर परीक्षण गर्न सरकार सफल भएको भन्दै उहाँले पहिलो लहरको कोरोना सङ्क्रमण नियन्त्रण गर्न सरकार सफल भएको दाबी गर्नुभयो । अहिले फेरि दोस्रो लहरको कोरोना सङ्क्रमण सुरु भएकाले यसलाई पनि सबैले मिलेर परास्त गर्नुपर्ने आवश्यक रहेको बताउनुभयो ।

प्रतिनिधि सभाको आजको बैठकमा प्रधानमन्त्री ओलीले विश्वासको मत लिँदै हुनुहुन्छ ।


प्रकाशित : २०७८ बैशाख २७, सोमबार ०९:००