असार १०, काठमाण्डौ
भन्सार छलीको करिब २३ किलो सुन र गहनाको कारोबार गरेको आरोपमा दुई जनाविरुद्ध भन्सार राजस्व छलेको आरोपमा मुद्दा दायर भएको छ ।
भारतको रक्सौल स्थायी ठेगाना भइ पर्साको वीरगञ्ज महानगरपालिका रेशमकोठीमा बस्ने अशोककुमार सिन्हा र उनकी छोरी निवेदिका सिन्हाले २२ हजार नौ सय ५७ ग्राम सुन र एक हजार ७८ ग्राम चाँदीको अवैध कारोबार गरेको आरोपमा राजस्व अनुसन्धान विभागले उच्च अदालत जनकपुरमा मुद्दा दायर गरेको हो ।
१८ करोड ६५ लाख दुई हजार बिगो असुल गरेर आरोपितलाई कडा भन्दा कडा कारबाहिको पनि माग गरिएको छ । भन्सार छलेर ल्याएको सुन र गरगहनाको अवैध कारोबार गरेर उनीहरूले राज्यलाई करोडौँ रुपैयाँ नोक्सानी पुर्याएको विभागले ठहर गरेको छ।
प्रकाशित : २०७८ असार १०, बिहीबार १५:३३
