द्धारा
काठमाडौं ।
पार्टीभित्र नयाँ धार निर्माणका लागि नेपाली कांग्रेसका ३ प्रभावशाली नेताहरूबीच आज पनि छलफल शुरू भएको छ ।
उपसभापति विमलेन्द्र निधि, महामन्त्री डा। शशांक कोइराला र पूर्वमहामन्त्री प्रकाशमान सिंहबीच कोइराला निवास महाराजगञ्जमा छलफल सुरु भएको हो ।
पार्टीको १४ औं महाधिवेशनमा सहकार्य गर्ने र पार्टीलाई सुदृढ बनाउने विषयमा बैठकमा छलफल हुने बताइएको छ । यसअघि सोमबार निधिको निवासमा नेतात्रयबीच छलफल भएको थियो ।
पार्टीभित्र सर्वपक्षीय एकताका लागि संवाद जारी राख्ने निर्णय अनुसार आज छलफल भइरहेको महामन्त्री कोइरालाका राजनीतिक सहयोगी भरत तिवारीले जानकारी दिए ।
प्रकाशित : २०७८ असार ११, शुक्रबार १३:१५
