शव बाहन नहुँदा कोरोना संक्रमितको शव एम्बुलेन्समा हालेर घाट लगियो
लमजुङ , साउन २४
लमजुङमा एक जना कोरोना संक्रमितको अस्पतालमा मृत्यु भएपनि शव उठेन । सुन्दरबजार नगरपालिका– २ का ४५ बर्षीय पुरुषको कोरोना संक्रमणका कारण सुन्दरबजारमै रहेको नमुना सामुदायिक अस्पतालमा शुक्रबार राती मृत्यु भएको थियो । उनको शव अवेरसम्म नउठेपछि एम्बुलेन्समा शव राखेर घाट पु(याउने काम गरिएको हो । लमजुङ जिल्लामा आजसम्म पनि एउटै पनि शव वाहन छैन ।
सुन्दरबजारस्थित नमुना सामुदायिक अस्पतालको आइसोलेशनमा उपचारका क्रममा ती अधवैंशेको मृत्यु भएको हो । कोरोना संक्रमणबाट मृत्यु भएकालाई घाटसम्म पु(याउने काम सुन्दरबजार नगरपालिका २ का वडाअध्यक्ष नवीनकुमार श्रेष्ठ आफैंले गरे । सोही अस्पतालको एम्बुलेन्स चलाएर वडाअध्यक्ष श्रेष्ठले कोरोना संक्रमणबाट मृत्यु भएका ती अधवैंशे पुरुषको शव आफैले मस्र्याङ्दी नदी किनारमा रहेको पाउँदी दोभानको घाटमा पु(याएको बताए ।
संक्रमितको मृत्युपछि शव बोकेर घाटमा लान सवारी साधन नपाएपछि मृतकका आफन्तले अस्पतालकै एम्बुलेन्समा लगि दिन आग्रह गरेका थिए । एम्बुलेन्स चालक विरामी भएको भन्दै अस्पतालले एम्बुलेन्स सेवा दिन नसकिने जानकारी दियो । अस्पतालले चालक लुकाएको भन्दै स्थानीय आक्रोसित हुँदै स्थानीयले अर्कै चालक व्यवस्था गरे तर, अस्पताल प्रशासनले एम्बुलेन्स दिन नमिल्ने बतायो ।
शव नउठ्ने स्थिति बनेपछि मृतकका आफन्तले वडा नं। २ का अध्यक्ष नवीनकुमार श्रेष्ठलाई गुहारे । श्रेष्ठ आएर आफैंले एम्बुलेन्समा शव राखेर अन्तिम संस्कारस्थलसम्म पु¥याउने बताए । वडाअध्यक्ष श्रेष्ठले भने, ‘अस्पताल प्रशासनले एम्बुलेन्स दिन नमानेको भन्दै स्थानीयले गुनासो गरेपछि अस्पताल पुगेर आफैंले एम्बुलेन्स चलाएर शवलाई घाटमा पु¥याएको हुँ ।’
कोभिडका ती विरामी पोखराबाट फिर्ता आएका थिए अनि अस्पतालमा भर्ना गरिएका थियो । उपचारका क्रममा रातीदेखि उनको मुटुको चाल बन्द भएको नमुना सामुदायिक अस्पतालका मेडिकल अफिसर डाक्टर दीलिप अधिकारीले बताए ।
कोभिडका बिरामीको शव व्यवस्थापनको काम स्थानीय तहबाट गर्ने नीति तय भएको छ र यसअघि त्यसरी काम हुँदै आएको पनि थियो ।
जिल्ला प्रशासन कार्यालयले शव बाहनको व्यवस्था हुन नसकेकाले एम्बुलेन्समै शव घाटमा लाने र त्यसलाई निर्मलीकरण गरी पुनः सञ्चालन गर्ने गरिएको प्रमुख जिल्ला अधिकारी होमप्रसाद लुइटेलले बताए । लमजुङमा चार नगरपालिका र चार गाउँपालिका छन् । तर कुनै पनि पालिकामा आजका दिनसम्म एउटै पनि शव वाहने छैन । शव बाहन खरिदका लागि सुन्दरबजार नगरपालिकाले केही महिना अघि टेण्डर आह्वान गरेको थियो तर, सो टेण्डरको सर्त अनुसार कसैको पनि निवेदन नपरेको नगरपालिकाले जनाएको छ । स्रोत : राजधानी
