लुदअ कपिलवस्तु, भदौ ७
विजयनगर गाउँपालिकामा पछिल्लो समय पार्टी प्रबेश गर्नेको लहर चलेको छ । पछिल्ला केहि दिन यता विभिन्न पार्टी परित्याग गरि स्थानीय नेकपा एमालेमा प्रवेश गरेका छन् । यस्तै सोमबार आजपनि सयौको संख्यामा विभिन्न पार्टी त्याग गर्दै एमालेमा प्रवेश गरेका हुन् ।
आज २ सय ५१ जना नेकपा एमालेमा प्रवेश गरेको एमाले विजयनगर गाउँ कमिटीले जनाएको छ । गाउँपालिकाको वडा नं ६ मा वडा कमिटिको आयोजना गरेको प्रशिक्षण तथा पार्टी प्रवेश कार्यक्रममा उक्त संख्यामा एमालेमा प्रवेश गरेका हुन् ।
वडा नं ६ कमिटीका अध्यक्ष अग्नि प्रसाद सापकोटाकोे अध्यक्षतामा २ सय ५१ जना एमालेमा प्रवेश गरेका हुन् ।
कार्यक्रमका प्रमुख अतिथी नेकपा एमाले लुम्बिनी प्रदेश कमिटी सदस्य तथा विजयनगर इन्चार्ज कृष्ण प्रसाद भण्डारीले नव प्रवेशीलाई स्वागत गर्दै पार्टीको सिद्धान्त र कार्यक्रम अनुसार काम गर्न आग्रह गर्नुभयो ।
भण्डारीले समसामयिक विषयमा कार्यकर्ताहरुले राखेका जिज्ञासालाई प्रष्ट पार्दै नेकपा एमाले देश विकासको समृद्धिको बलियो पार्टी भएकोले एमालेमा लाग्नुपर्नेमा जोड दिनुभयो ।
यस्तै जिल्ला कमिटी सदस्य तथा गाउँपालिका अध्यक्ष गोपाल बहादुर थापाले पार्टी प्रवेशीलाई टीका लगाई स्वागत गर्नुभएको थियो । उहाले सबैलाई गाउँपालिकाको विकास निर्माणमा सक्रिय सहभागि हुनुपर्नेमा जोड दिनुभयो ।
यस्तै पालिका उपाध्यक्ष लक्ष्मी कुमारी चौधरीले नव प्रवेशीलाई सम्मान गर्दै सदस्यता प्रदान गर्नुभएको छ ।
कार्यक्रममा विजयनगर गाउँपालिका वडा नं ६ का वडा अध्यक्ष प्रेम बहादुर कलवार, वडा नं ५ का वडा अध्यक्ष अनवर मोहम्मद मुसलमान, वडा नं ७ का वडा अध्यक्ष दिनेश चौधरी, जिल्ला कमिटी सदस्य टंक सुनार, दिपेन्द्र महरा, रामऔतार यादव लगायतको उपस्थिति रहेको थियो । जिल्ला कमिटी सदस्य तथा गाउँ कमिटि सचिव गोकर्ण प्रसाद सापकोटाको संचालनमा कार्यक्रम सम्पन्न भएको हो ।
