भदौ २६

नेपाली नारीहरुको महान पर्व तीजको अन्तिम दिनआज ऋषि पञ्चमीका पूजा गरी सम्पन्न भएको छ। कोभिड—१९ महामारीका कारण यस वर्ष पनि स्वास्थ्य मापदण्ड अपनाएर तीज पर्व मनाएर सम्पन्न भएको छ। हरितालिका तीजमा व्रत बसेका महिलाले विशेषगरी पञ्चमीका दिन विधिपूर्वक स्नान गरी शुद्ध भएर सप्तऋषिको पूजा गर्ने गर्छन्। भाद्र शुक्ल पञ्चमीका दिनमा मनाइने ऋषिपञ्चमीमा महिलाले बिहानै उठेर नित्य कर्म गरी नजिकको नदी, खोला, ताल, तलैया र पोखरीमा गइ ३६५ वटा दत्तिवनले दाँत माझने, गाईको गोबर, माटो एवं खरानी लगाइ स्नान गनर्दछन्।