काठमाडौं ,भदौ २८

पछिल्लो २४ घण्टामा १४८६ जनामा कोरोना भाइरस संक्रमित थपिदा १२६० जना संक्रमणमुक्त भएका छन ।स्वास्थ्य तथा जनसंख्या मन्त्रालयका अनुसार १२ हजार ५३२ पीसीआर परीक्षणमा ११४९ जना र ४००७ एन्टिजेन परीक्षणमा ३७ जना गरी १४८६ जनामा संक्रमण पुष्टि भएको हो ।

त्यस्तै संक्रमणका कारण १६ जनाको मृत्यु भएको छ ।हाल सक्रिय संक्रमितको संख्या २६ हजार ६३० रहेको छ । जसमध्ये २४ हजार ९५८ जना होम आइसोलेसनमा र १६७२ जना संस्थागत आइसोलेसनमा छन् ।