तिलोत्तमा,असोज ७

रुपन्देहीको तिलोत्तमा ११ शिवपुर स्थित शिवपुर माध्यमिक विद्यालयको कम्प्युटर प्रयोगशालाको बुधबार नगर प्रमुख बासुदेव घिमिरेले उद्घाटन गर्नुभएको छ । सुविधासम्पन्न कम्प्युटर प्रयोगशालाको नगर प्रमुख घिमिरेले कम्प्युटको स्वीच अन गरेर उद्घाटन गर्नुभयो । त्यसक्रममा नगर प्रमुख घिमिरेले सामुदायिक विद्यालयको भौतिक तथा शैक्षिक गुणस्तर सुधारलाई नगरपालिकाले प्राथमिकतामा राखेको बताउँदै पछिल्ला वर्षमा सामुदायिक विद्यालयमा विद्यार्थी र अभिभावकको आकर्षण बढ्दै गएको बताउनुभयो । विद्यालय व्यवस्थापन समितिका अध्यक्ष बुद्धिसागर भट्टराईको अध्यक्षता र प्रअ ज्ञानप्रसाद भट्टराईद्वारा स्वागत गरिएको कार्यक्रमको सञ्चालन द्वितीय सप्रअ ईश्वरी ज्ञवालीले गर्नुभएको थियोे ।